"簡單" 就是美

 

第一次接觸 SIMPLE  --- 一個來自英國既護膚產品品牌.  以 “天然” “溫和” 見稱.

愛靚既我上星期二收到 SIMPLE 既試用裝後, 急不及待就開始試用啦!

今次試用既 SIMPLE 產品包括:

(1)   滋潤潔面啫喱 50ml

(2)  爽膚水 50ml

(3)  保濕潤膚露 50ml

 

     

     *  用左我最愛既綠色同白色包裝… 簡單唔做作!

 

        

滋潤潔面啫喱

 

         

    *  有維他命原B5, 無香料無顏素成份!!!

 

         

     *   潔面啫喱質地超水潤...  無色無味但好滑~~~

 

         

    *  洗面時唔少得要按摩一下...  潔面啫喱跟住會變成白色小泡泡...

 

落完妝, 倒下五蚊size份量既 “滋潤潔面啫喱”, 然後全面塗開!

質地超水潤, 不似某些落妝油 / gel 的那種厚身, 又不太希, 感覺很好很舒服喔~

跟住打圈按摩, “滋潤潔面啫喱” 會變成白色小泡泡, 可以深層清潔我既靚靚面~

潔面啫喱含維他命原B5 & 無皂配方, 用完後覺得好清爽, 唔油唔乾, 好柔潤, 又無繃緊既感覺, 好乾淨同舒服!

 

 

爽膚水

 

       

 

我將爽膚水倒在化妝綿既方法來抹於全面~

喜歡佢既爽膚水 100% 無酒精, 無色無香料成份, 所以我好放心用, 仲可以抹埋眼部位置, 同埋D暗瘡紅印咁 (曾經試過用有酒精成份的爽膚水, 面部出現敏感, 好唔舒服, 又有刺痛, 用完又乾又有繃緊, 以後都唔敢再用啦...)

爽膚水性質溫和, 含金鏤梅&甘菊精華既天然植物精華!  唔怪得用完之後有舒緩補濕既感覺, 毛孔細緻左, 塊面緊緻左...

 

 

保濕潤膚露

 

       

   *  依個份量足夠塗滿全面啦...  唔厚身既 cream, 唔黏膩, 好快吸收同滋潤!

 

唔一定BB仔用既潤膚露先有維他命, SIMPLE 既保濕潤膚露都有維他命原B5 & 維他命E架!

喜歡佢既潤膚露全無香味!  質地好輕好薄, 塗完又唔會覺得黏膩, 皮膚好快吸收, 感覺滋潤幼滑!

加上我屬混合式皮膚, T字位油, 塊面又乾, 依隻不膩夠潤的保濕潤膚露真係好岩我~

 

 

                    

 

試用左成個星期, 面部毛孔明顯比前細左, 皮膚乾淨左, 面頰無左皮仔, T字位無以前咁油, 連D暗粒同粉刺都少左, 正呀!

今次真係好多謝 theZtyle.com X SIMPLE 邀請試用, 令我認識到:

要靚, 原來真係可以好 “簡單” 喔!

 

 

 

唔買真係對唔住自己 – SK-II 神仙水

 

最近得知 SK-II 有超抵神仙水套裝賣, 在半信半疑之下走左去 Sogo counter 問下…

嘩, 係真唔係呀?  真係平到我唔信喎!?!

好開心可以用原本一支 75ml 神仙水既價錢 HK$420, 家下可以多一張 mask 同埋一盒 15g 既全效活能再生素! So good oh!

 

*****   跟住填 form 入埋會做會員, 即時仲送多一張 mask, 正呀!!!

*****  再加上如果係 1978 – 1982年出世既, 到生日果個月, 又會收多一支 75ml 神仙水做禮物!!!

 

WOO, 咁最後即係用 HK$420, 就可以帶走兩支 75ml 神仙水 + 兩塊 mask + 一盒

全效活能再生素囉!!!

如果有埋 Sogo Visa card (好似我咁), 就仲有95折, 埋單盛惠 HK$399 only!

平到咁, 你話用開都唔買係咪真係對唔住自己先?!  Hahaa…

未用過 SK-II 神仙水既姊妹, 今次真係可以有藉口買黎試下啦! 

記住呀, promotion 做到八月尾咋!!!

 

 

             

      *   神仙水 ---  你今日開始左未呀???

 

 

        

   *  就係依一套啦...

 

 

       

  *  入會禮物... 內藏一張 <保濕修護護膚面膜>

 

 

        

  *  如果我一個月內再去專櫃買任何護膚產品, 就會獲送面膜修護套裝添呀!

 

 

 

沙巴估你唔到之旅 – Day 5 (再見沙巴)

話咁又到第 5 日啦...

住依間 Novotel, 酒店最衰就係無 free shuttle bus...  想坐就只有去隔離既 1 Borneo 商場鬥快排隊攞~!  但可惜我同亨利晨早 8 點去排, 諗住攞定 11 點果班車既飛出市區, 但等到 9 點幾個 counter 都未有 staff, 真係@#$%^&! 

最後唯有跑番去酒店食早餐先, 食完再去攞已經俾人攞晒, 唉... 

好心佢咁大個商場就安排架大車又或者半個鐘一班啦!  離市區咁遠, 又少 free shuttle bus, 唔怪之得無人去行啦...  睇黎都好快執笠!!!!!

早知係咁, 寧願今朝訓耐D啦...  最後都係要用 RM25 坐的士出番 Centre Point!
      

  *  第5日個天又係天陰陰...  (食早餐時由窗望出去)

沙巴估你唔到之旅 – Day 4 @ Novotel 1Borneo Hotel

Check out 左 Gayana Eco Resort 之後, 我地約左 <完美假期> 係 Jesselton Point 碼頭等, 跟住車我地去做 massage…

依個 KAMA’A massage, 係我地幫 <完美假期> 訂酒店 package 時送埋既...  每人一個鐘頭香薰油按摩, 真係爽到暈~!  不過亨利話麻麻地喎, 因為幫佢按個位 "肥" 小姐間中散出 "狐狸" 味喎!!!  哎呀! 真係辛苦左亨利啦...  hahahaa…
       

   *  KAMA's 係在其中一間小酒店內既 massage 店

沙巴估你唔到之旅 – Day 4 (Gayana Eco Resort) Part II

好開心呀!  訓醒第2日勁好天呀!  我同亨利都忍唔住狂影相...

     

沙巴估你唔到之旅 – Day 3 (Gayana Eco Resort) Part I

依日我同亨利會入住 Gayana Eco Resort!  真係好期待呀!

雖然依日既天氣又係陰天同落雨, 但都無損我地既心情!

<完美假期> 約左我同亨利早上11:45係 Imperial 酒店 lobby 等車接送去碼頭...

     

  *  同車仲有一家台灣人一齊去 Gayana Eco Resort

沙巴估你唔到之旅 – Day 2 (@ 珍珠海鮮酒家)

經歷過刺激到差D死既回程船之後, 係酒店 “定經” 左兩個鐘, 大雨又停左, 我同亨利又係時候去食晚飯啦...

唔夠暖既亨利去買左兩件靚 tee (total RM 55)...  跟住我地由酒店行去食海鮮都係 5-10 分鐘, 好近...
       

沙巴估你唔到之旅 – Day 2 (@ Sapi Island)

食飽 Secret Recipe 就去遊下島啦...  雖然知道島上有自助餐食, 但亦聽聞唔值得食, 所以都係食飽飽先至去! 去之前當然去 supermarket (@ Centre Point 地下) 買定麵飽餵魚啦...

我地先去 Jesselton Point 碼頭 counter 11 買飛, 仲 confirm 左遊 Sapi Island & Manukan Island (only RM27.5@) , 可惜最後又有野估你唔到..............................



        

沙巴估你唔到之旅 – Day 2 (@ Secret Recipe)

依個 trip, 我同亨利搵左當地 agent <完美假期> 訂酒店, 雖然唔係話好平, 但包埋機場酒店同出夢幻島等接送, 都算方便... 

頭兩晚我同亨利都住市區 <Imperial International Hotel>, 雖然話係四星, 但感覺唔似囉; 不過房間被舖都好乾淨, 而酒店地點仲勁方便呀!

      

  *  我地住兩晚既房, 都算好大喔!

沙巴估你唔到之旅 – Day 1

話咁快又去完沙巴返黎啦...  5日4夜真係過得好快呀!

依個 trip 對我同亨利黎講, 真係好“難忘”, 仲有好多估你唔到既事發生左...

AirAsia 都係第一次坐, 初初心諗都覺得有D驚, 話晒咁細架機, 仲要坐三個鐘! 但原來都好 OK, 只係個坐比較窄, 無電視睇, 無水飲無 nut 食, 仲要連張 blanket 都無; 就係咁, 亨利可能係小睡既時候冷親, 整個 trip 都病左仲發燒呀, 嗚嗚嗚~~~!        

       

Refoderm Skin Care Tonic

 

又係時候要同各姊妹分享我用左一星期 Refoderm 草本美肌精華液既試用感啦...

以前每次洗完面後用 tonic, 多數都會係倒約五蚊直徑 size 份量係一片化妝綿上, 跟住由額頭, 兩邊面, 鼻, 下巴四周抹濕, 跟著就塗上乳液! 但原來咁係唔足夠令護膚品注入肌膚底層架!!!

自出席上次 Refoderm 工作坊之後, 令我認識到如果要令護膚品可以由淺至深進入皮膚, 真真正正發輝作用的話, 原來正確既護膚程序 & 手勢係非常重要!

只要用 <<< 美肌七式法 >>>, 七個簡單為面部肌膚進行運動 (配以推按動作), 3分鐘就可以 feel 到塊面唔同左! 

 

       

 

       

    *  用4ml份量的草本美肌精華液, 倒濕兩塊專業化妝綿, 然後雙手以按壓方式推抹各步驟重複3次, 就係咁簡單! 

 

 

      

   *  OH NO…  明明岩岩洗乾淨面, 但用 Refoderm Skin Care Tonic 抹完, 雙手既兩塊綿, 竟然仲有啡啡黃黃既野抹左出黎~~~!?  原來依D都係皮膚積存既污垢同死皮黎架!

  

估唔到配合美肌七式法用 Refoderm Skin Care Tonic 一星期, 面部明顯多了光澤又唔乾燥; 而多油既T字位亦明顯減少! 我仲發覺鼻同下巴既毛孔都收細左呀!

依家真係相信一支 tonic 可以搞掂晒! 健膚, 保濕, 更生, 修護! 連續用真係好似做完護膚療程咁, 塊面真係嫩滑左好多呀!

 

 

                  同場加映沙巴靚靚近照兩大張    

(注意: 係完全素顏, 只用左Refoderm, 面霜&防曬吧!)

 

                    

 

　　　

 

 

                             <再次鳴謝　theZtyle.com X Refoderm>