依排真係癲左…
自迷上買雜誌送既 Marc by Marc Jacobs 袋之後; 去台北既時候又超開心買到本 agnes b 2010 特刊兼送 agnes b 袋, 今日又有新發現呀!!!
今日食完 lunch, 見到 Noble Time 有“Bape Kids Catalog 2010 Spring/Summer Collection” 既雜誌喎; 竟然仲隨書送上兩個靚袋呀! (加埋一張貼紙)
雖然我唔係 Bape 既 Fans, 但見到咁抵又得意既袋, 我又忍唔住買左兩 sets 啦… (HK$235 per set; 買兩套有九折喎)
雖然近排買左好多“雜誌”袋, 但都唔算浪費架! 因為買幾個都抵過我去買一個 LV 呢!!! hahaa…
* 內頁好 colourful 呀! 仲有貼紙一張...
* 一大一細袋仔... 剛巧 pattern 既公仔都好完整, 好靚呀!
* 大袋足以裝到 A4 size 既野... 大袋既前面仲有一個小袋添...
近排愛上去九龍城搵食, 因為鍾意佢夠多選擇, 而且四周環境人少少, 又唔會太雜...
亨利要返夜, 所以今次同左個好友去試下 --- <小店>.
其實之前同亨利去九龍城食野, 已經發現依間野啦...
舖面大大, 但個名就叫 "小店", 都頗為特別呀!
* 可能係平日, 餐廳比較入既位都無乜客! 我地好似包左後邊既場咁, 正!
今次同好友二人叫左兩個晚餐 share:
1/ 我地兩人都要左南瓜湯 (好 creamy, 好滑, 好香南瓜味, 正!)
2/ 豬肋骨 (唔記得個詳細既名... 加少少排骨醬食, 好好味!)
3/ 羊架 (早知叫八成熟, 因為我地叫既七成都好生下... 不過都算好味! 再多幾塊會仲好!)
* 份量真係細左D... 薯菜又唔係好多... 不過成碟野真係幾好味!
* 點豬肋骨既排骨醬...
* 只有三塊小型羊架, 盛惠一百五分幾 (未包湯同餐飲), 好似貴左少少囉...
埋單三百幾, 以份量計, 又唔算超好味 算係貴左DD啦... Anyways, 多謝晒好友請我食飯!
不過, 相信我會再同亨利黎食! 因為我想同亨利試下佢地既鵝肝呀!!! (賣飛佛)
上星期同亨利去左九龍城食晚飯...
今次無揀到什麼出名既食店, 而係揀左一間細細又客少少既地道泰國餐館食泰國野...
發覺九龍城都有幾多泰國人開既泰國菜館...
而且小店真係可以發挖到有好味既野食架!
* 蝦醬炒芥蘭... 好香, 亨利話好味!
* 泰式雞絲河... 真係估唔到廿蚊既 "雞絲"河有超多既雞絲, 正!
* 咖哩羊連薄餅, 好味! 不過D羊肉就少左D...
* 食完仲有紫米露糖水送... 本來想之後去 "金滿堂" 食甜品, 但食埋依碗野之後都飽晒...
* 亨利叫既泰式檸茶... Um... 個色同個味都有D怪...
* 舖頭細細既 <泰來福>
兩個人食埋單都唔洗百四蚊, 抵食! 如果佢地既串燒可以有多D款, 又或者可以續串叫, 咁就仲好啦!!
