2010年10月28日 星期四

shu uemura海洋深層保濕底霜

超開心呀! 估唔到上網投票, 都會贏到份投票得獎禮物!


前排為 Fashion & Beauty 流行新姿” -OL直選完美品牌大賞2010投票, 幸運之神好眷顧我, 竟然被我羸左份 “shu uemura 海洋深層保濕底霜”!!!


當收到 F&B email , 真係開心到不得了, 因為我一直都好想買 shu uemura 既產品架! 今次終於有機會試啦...


以前我只係用過 shu uemura 既落妝油, 其他甚麼都無啦...  聽聞佢既 base 唔錯, 依次我真係可以試下...


 


       


       


       


        


         


      * 個底霜有少少淺粉紅色, 岩晒可以調節膚色!  質地好柔滑, 好水潤, 保濕度非常明顯, 真係岩晒家下乾燥既天氣用!


 


         


  本身好乾既手, 搽左個 base 之後, 即時睇到白滑左, 滋潤左, 同少左D紋呀!


 


雖然佢好保濕同水潤, 但發覺佢好快滲入皮膚, 唔會留係表面, 變成油膩, 幾好!


上網了解, 原來“shu uemura 海洋深層保濕底霜成份有海洋深層水, 柔焦粉末 & 持久粉末複合因子! 


柔焦粉末能夠減少細紋, 收細毛孔; 而持久粉末複合因子就可以防止乾燥和抗皮脂!


不過好可惜, 唯一缺點, 就係佢完全無防曬或防紫外線功能!  如果一支過, 咁就perfect ! 


你知啦, 冬天既陽光, 係我地靚女既大敵, 真係唔可以睇少架!!!


 


特別鳴謝 Fashion & Beauty  X  shu uemura


 


 


2010年10月25日 星期一

Q版生油???

 


每日出街, 除左要化好一個靚妝, gel好一個靚頭之外, 再噴一下香水, 總會覺得果一日先至係完美...  

Samba Fresh 一隻來自美國既香水, 原來 “Samba” 1987年起已經推出左超過 26款唔同既香水啦...  而每款都會散發出熱帶風情既韻味, 好特別喔!


"Samba Fresh 熱帶風情香水" 有男女香水, 而我今次試用既當然係岩自己既女香水啦!


 


        


       


    


       


 


女香水用左鮮黃色既玻璃樽同一貫既螺旋形設計! 我第一眼見到, 仲覺得佢好似一支Q版既生油呀! 但再睇真D, 佢個 look 又真係幾有夏天冰涼透澈 feel !


依支 Samba Fresh Woman 用上梅子, 熱情果, 小蒼蘭, 牡丹, 蓮花 雪松木 & 麝香調制, 除左有淡淡既花香味外, 當中仲會帶出熱情果味! 真係個個人都會鍾意!  唯獨佢既味道唔可以 keep 到成日朝早噴完, lunch time 都已經無晒味啦...


雖然依支香水充滿住既森巴熱帶風情既味道, 但我相信黎緊既冬天, 我都會繼續用喔!


 


Samba Fresh Woman Eau de Toilette


100ml/$168


Samba Fresh香水產品於全線莎莎化粧品有售



 


 


 


2010年10月24日 星期日

試影 @ 攝影皇城

 


真係估唔到又有機會影婚紗相你知啦, 女人最靚既時候, 永遠都係穿上婚紗既時候嘛, hahaha…


今次好多謝 BL x 攝影皇城, 抽中我免費影相兼送34R!


初初抽中時都有少少驚, 因為我都無聽過依間野, 怕影完之後會勁 sell 你買相既package…  點知, 由影相, 揀相, 到攞相, 都幾滿意同開心!


依次試影, 仲可以任自己決定影單人照, 家庭照, 還是雙人照...  但我見送相只有3, 所以都係自己去影吧...


 


        


 


107放左工, 單人匹馬去左油麻地鑽婚廣場3樓既攝影皇城”, 地點都算方便!


入到去地方唔算大, 化妝姐姐俾左我本相簿我睇, 佢仲好 nice 同我一齊坐底揀衫, 俾意見我, 真係幾好...


但可惜相簿只有一本!!! 而且衫既選擇真係好少雖然都有婚紗/晚裝/宮廷/和服選擇...


跟住我問點解無和服既相可以睇? 化妝品姐姐話無相, 但都好好人即刻帶左我去衣帽間睇一套套掛起既...


望左兩眼, 我都無乜心機揀... 本來想影和服, 但又無相睇 淨係睇掛起左既和服, 根本完全睇唔到件衫個款...  如果著起唔鍾意, 我諗我會唔好意思出聲叫換第二套, 話晒都係免費試影嘛! 所以最後都係決定影婚紗...


化妝既時候, 化妝姐姐仲問我想化咩色既 eye shadow, 同埋 set 咩頭! 難得有得玩, 我叫佢幫我畫左對 smoky eyes! Hehee…


化左大半個鐘, 首先係可以影埋自己著黎套便服...


估唔到個幫我影相既攝影師係一個後生哥哥, 心情當堂放鬆晒同埋可以笑多D… (因為我真係好怕個攝影師係一位阿叔, 仲要扮晒 cool D, haha)


我自己都好主動同個攝影哥哥傾計, 仲俾佢知我其實係成日去影相, 所以唔會太怕鏡頭, 等佢都可以放心幫我影靚D, 哈哈!!


之後換左套自己好鍾意個 low-cut 款既婚紗影相  影完之後, 攝影哥哥仲話麻煩晒辛苦晒, 真客氣...


跟住化妝姐姐幫我抹淡少少個妝, 走既時候都差唔多九點啦, , 好得肚餓呀!


 


過左幾日去揀相, serve 我既 Cherry nice, 佢簡單介紹左一D曬相既 package 俾我, 跟住就俾我睇相 (原來我影左有121)...


我仲以為揀相係從電腦/notebook度睇住黎揀, 因為可以清楚D…  估唔到佢地係 print晒出黎, 細到好似以前既菲林底片細細格咁黎揀, oh no…  最搞笑就係佢地俾埋個放大鏡我揀相, 可想而之D相有幾細...


Anyways, 揀相既過程好愉快, 又無 hard sell 成份, 揀相好安心呀! 雖然最後我都只係揀左佢地送既3張相走人, 但完全沒有黑面! 抵讚!


 


以下既3張相攝影皇城係完全未執相的!


- 你問我靚唔靚? 我覺得一般啦...  沒有太大既驚喜!


- 攞相角度我未係最滿意...  尤其第一張!


- 同埋個妝, 出黎既效果唔夠 sharp!


 

        


   *  點解隻bear唔影多少少呢? 現家好似 cut 左一邊咁, 唔似我抱住佢... 不過好彩我個樣都算影得自然! ha!


 


       


  *  依張係百幾張相之中最為滿意既一張!


 


       


  *  依張好似跳芭蕾舞既 pose 都幾特別...  所以揀左依張!


 


 


上個星期六同亨利行街街, 無意間係一個商場裡面見到 攝影皇城 counter ! 仲見到有好多客睇相簿, 價錢仲好吸引添~ 


想青春留倩影, 價錢又唔貴, 我相信 “攝影皇城都可以去 玩吓!


 


         


 


 


 


2010年10月17日 星期日

去角質話咁易~


 


近年愛上Bioderma, 鍾意佢夠簡單”, 直接”…


簡單咁幫我落晒成個妝, 可以乾乾淨淨  都係多得深層卸妝潔膚水”!


直接咁幫我去晒角質, 帶走污垢, 可以白白滑滑就係每星期我都用既控油去角質啫喱” / “水活保濕煥膚霜


今次真係好想推介依隻超正既去角質面膜俾各位姊妹用呀~!  點解? 因為


 


夏天我必用既控油護膚系列控油去角質啫喱 (Sebium Exfoliating Gel)!  雖然我係混合性皮膚, T字位油但面仔又乾  但用完依支控油面膜, D都唔覺得乾, 仲會 feel到皮膚柔軟左好多同乾淨左!


控油去角質啫喱有溫和既去角質粒子, 塗上面上然後打圈, 好明顯feel到一粒粒好似磨沙粒子咁!  係鼻頭位特別按多兩下, 黑頭都會少D~


 


        


 


 


最近天氣轉秋冬, 剛巧依支控油去角質啫喱又俾我用完, 係時候要轉新野啦


今次我買左 Bioderma 既水活保濕系列 水活保濕煥膚霜 (Hydrabio Exfoliating Cream) 試下!


 


        


        


        


   *  塗上面上打圈按摩, 已經見到好水水, 好保濕; 仔細睇你會見到去角質粒子...


         


依支 水活保濕煥膚霜其實同 控油去角質啫喱 既目標都係一樣, 就係去角質 (帶走老化既角質)!  水活保濕煥膚霜同樣有去角質粒子, 促進角質細胞更生, 但同時有保濕功效! 


洗乾淨面部後, 仲未抹乾塊面之時, 跟住攞適當份量搽上面, 以打圈手勢按摩面部//下爬/額頭各十下, 然後用清水沖洗!  真係估唔到滋潤同乾淨既效果, 有如做完一個深層清潔既facial!!!


有時唔知你地有無發覺, 搽極什麼什麼好野, 皮膚都好似唔吸收咁呢? 最大既原因除左皮膚污垢積聚之外, 就係因為被厚厚老化既角質阻住啦!!! 所以想護膚品真真正正被皮膚吸收同發揮作用, 定時深層清潔同軟化角質係好最要架!


 


 


2010年10月14日 星期四

矜貴試用裝~

 


近年我都攞左唔少護膚品試用裝, 但最怕攞D一包包仔既試用! , 真係唔攞好過攞


Guerlain由我認識第一日, 都覺得依隻牌子既產品好高貴典雅; 而產品既價錢仲唔平添架


前排收到SMS 可以去專櫃率先試用 L’OR Make Up Base, 個心仲以為又係一包包既試用裝, 點知


一打開個 make up base sample , 點解係透明既??? 再望真D, , 有好多金箔呀!!!!!


 


            


      *    好矜貴既 sample I love it so much…


 


           


           


           


      *    泵樽設計, 好方便呢~


 


真係估唔到 Guerlain 新出既 L’OR Make Up Base係咁型架!  Sample 都咁專貴, 細細樽, 保持新鮮之餘, 又可以用幾多, 泵幾多, 唔洗一次過用晒, 正呀!


依隻黃金亮采精華隔離凝膠”(Radiance Concentrate with Pure Gold) 採用左全新配方成為最佳既妝前保濕凝膠! 更用 24K 純黃金, 製成精細既金箔微粒, 均勻散佈係透明凝膠之中, 搽於肌膚上, 瞬間改變暗沉既膚色, 提升光澤!


泵出既凝膠一D都唔厚身! 搽上面, 神奇地變為好水潤, 好清爽, 完全唔膩, 感覺好似搽左好水既 lotion


輕泵兩下, 凝膠好快就好水水, 搽上面真係好似拍完保濕爽膚水咁, 都好快吸收... 


用左幾日, 我仲覺得塊面好似白左呀?!


 


          


     *    Woo, 好多24K金箔呀!


 


 


 


 


2010年10月10日 星期日

“面膜級” 保濕精華???

 


最近新出既 Neutrogena 水活保濕精華, 引入左面膜級保濕技術, 將皇牌既保濕面膜精華逐滴凝聚, 成為 Hydro Boost 水活保濕精華』!


 


      


 


聽到都好吸引, 因為坦白講, 就算唔懶, 都無可能日日敷 mask ! 所以如果真係有支好保濕既精華素, 而又有敷 mask 既效果, 就好啦!!!


將新出既 NeutrogenaHydro Boost 水活保濕精華』與同樣新出既L” 品牌保濕精華比併一下就知邊個厲害啦!


 


首先質感, Neutrogena Hydro Boost vs “L” 品牌, 大家既流動速度差唔多, 代表份子比較濃郁, 依個回合 <<<打和>>>!


 


      


      


  *   大家既流動速度都係差唔多...


      


 


 


清爽度, 左手搽上Neutrogena Hydro Boost, 右手搽上 “L” 品牌保濕精華, 30, 等精華完全吸收之後, 用手背按上小發泡膠粒睇下; wow, 好明顯 Neutrogena Hydro Boost “L” 品牌保濕精華黏上既小發泡膠粒少一半喔! 證明 Neutrogena Hydro Boost 清爽得多, 而且唔會有太油膩既感覺! 所以以清爽度計, Neutrogena Hydro Boost !


 


      


  *  左手搽左 Neutrogena Hydro Boost, 小發泡膠粒痴左只有幾粒...


 


      


   *  搽左 "L" 品牌, 右手痴左超過十粒既小發泡膠粒! 垂直左少少右手, D粒粒都唔跌落黎...  Um, 證明依隻有少少笠! 


 


最後就係要睇最緊要既水嫩度!


先睇“L” 品牌保濕精華, 在我無搽野既右邊面保濕度原本有 42.2%; 當搽上佢既保濕精華之後, 等左一陣再用水份測試機 check, 結果右邊面既保濕度有 49.1%, 即係升左 6.9%, um… 效果好一般呢~


      

      


   *  "L" 品牌保濕度前後只係升左 6.9% 咋...


 


到測試下 Neutrogena Hydro Boost, 左邊面原本係 41.7%, 搽上 Hydro Boost 之後一陣, 再用水份測試機 check , ! 塊左邊面既保濕度竟然升到去 58.8% ! 即一共升左 17.1% !!!!! 好厲害呀! 依個水嫩測試好明顯係 Neutrogena Hydro Boost 嬴晒!


     


  * 勁呀!!! Neutrogena Hydro Boost 保濕度前後升左 17.1% 呀!!! 要比五粒星喔~


 


試用左足足一個多星期, 真係估唔到, 依支 Neutrogena Hydro Boost 有咁強既保濕力, 而且精華仲好快滲入肌膚底層, 俾面部吸收, 所以一D都唔會笠! 而且面部仲可以keep 到成日咁水潤, 真係好似敷完 mask 咁呀


Neutrogena Hydro Boost 有高效保濕配方, 內蘊含高純度透明質酸 (Hyaluronic acid) & 橄欖精華, 為乾燥肌膚細胞提供大量水份, 令肌膚長時間持續水潤透亮!


有咁強既保濕精華, 唔怪之得話 Neutrogena Hydro Boost 有面膜級既保濕力量啦!


 


                                       多謝 theZtyle.com x Neutrogena


 


 


2010年10月5日 星期二

由頭潤到落腳趾尾…



今日, 終於感受到有少少秋意…  意味著秋冬就快黎啦…   


記得我以前超討厭冬天, 因為我怕凍之餘, 而且皮膚仲會太乾而出晒紅點同周身痕, 好慘… 


試過好多什麼什麼超潤既面霜/ 手霜/ body cream等都救唔到我依個“乾人”, 好彩被我遇上 QV. 


其實我地周圍都可以買到 QV, 但以我所知無一個朋友有用過咁既!!!??? 


QV 來自澳洲, 佢簡直係平價版既 Jurlique, 產品超滋潤, 真係好岩我地依 D 皮膚又乾, 銀包同樣乾既人用, hehehee 


我足足用左 QV 大半年啦, 我既敏感兼乾燥既皮膚都無再痕同埋出紅點, 而且仲覺得好滋潤, 又唔笠, 正正正


今次依篇絕對唔係什麼試用文, 而係真係自己真金白銀買黎用架!  


知道有好多人都好似我咁有敏感又乾燥皮膚, 所以我都好希望 QV 可以幫到你喔!


 


        


  *   我既好朋友 - QV Cream, QV Moisturising Day Cream, QV Lip Balm, QV Gentle Wash


 


 


1) QV Moisturising Day Cream


- 特別針對敏感皮膚


- SPF30+, 足夠提供日常防曬保護


- 含甘油鎖水成份, 持久保濕, 但又唔油膩


- 含輕質柔石臘 (LLP), 屬於醫學優質礦物油, 功能除添補肌膚油質外, 更係高效能既保濕因子, 對皮膚既吸附力比植物油或燕麥類產品更好


 

        


    *  特別乾燥既日子, 依支搽面既 day cream 就要出動啦! 仲有防晒SPF30+!


 


        


 質地好薄身, 唔笠, good!


 


        


  *  質地仲好水潤當打底霜用一流!


 


 


 


2) QV Cream


- 含豐富角鯊烯 (Squalane), 能保持肌膚彈性&光滑


- 高濃度乳霜, 能有效滋潤非常乾燥既皮膚


- 無刺激性, 可安全使用於紅腫皮膚而不會導致過敏反應


- 可預防皮膚炎/ 其他與乾燥皮膚有關之症狀


- 特別適合敏感幼嫩既嬰兒肌膚! (BB都岩用, 可想而知成份有幾好啦!)

 

 


        


  *  依個 body cream 簡直係我既第一最愛! 無味, 勁潤, 但又唔油膩, 平日唔乾燥時, 手肘腳肘都會必用!


 

        


   *  不含羊毛脂, 不含色素, 不含丙二醇, 不含香料, 不含鹼性.........


 


       


 


       


  *   QV Cream 既質地比 QV Lotion 厚身, 更加滋潤!


 


 


3) QV Gentle Wash


- 10%甘油 (Glycerol), 有高度鎖水保濕因子


- 同人體自然皮膚既pH值相吻合, 可預防微生物既生長


- 不含油脂, 唔油膩, 任何性質皮膚都岩用


 

       


  *  無皂成份!  唔好洗去皮膚上原有既正常油脂! 清潔同時又可以滋潤...


 


       


  *  質地唔會太稀! 大力泵一下已夠用全身!


 


 


4) QV Lip Balm


- Soft White Paraffin & Dimethicone, 能給咀仔一層保護膜及滋潤, 防止皺裂及痛楚


- SPF20, 不會受 UV-A, UV-B影響


 

       


   唇油係我第二最愛! 好潤又防紫外線我用左之後都少左好多唇紋添呀!


 


 


各位姊妹, 希望你地鍾意我既推介! 一齊做個潤美人啦!!!