2010年9月27日 星期一

果然係"多功能全效修飾霜"!!!




好開心今次有機會試用 Dr. G Hydra Intensive Blemish Balm SPF30 PA++ 多功能全效修飾霜.


liquid foundation 比較, 我自己比較鍾意用BB cream! 鍾意佢杰身DD夠貼面, 可以一支搞掂打底遮瑕...


不過衰在自己係混合性皮膚, T字位油, 兩邊面乾, 好多時搽完BB cream, 不到半日, 個妝就會浮左出黎, 面油反晒光, 面仔同紋仔就乾裂晒出黎, ...


依支 Dr. G Hydra Intensive BB Cream 來自韓國, 仲有SPF30 PA++ 功效, 防曬度真係好夠平日用~!  為左無斑斑, 真係唔會搽少一日防曬就出街喔!


 


      


      


      


 


Dr. G Hydra Intensive BB Cream 質地好水潤, 太乾身既 cream 真係唔岩我...


      


 


不過奇怪顏色偏深, 哎呀, 咁咪唔岩用???


      


*  但質地超易推, 好滋潤喎


 


唔理啦, 試下搽上面睇下先!  我用手指印下印下既方法搽 BB creamcream 易推,又唔笠, 好滋潤, 好貼面, 仲有幾好既遮瑕效果喎!  超鍾意佢可以遮到鼻旁既毛孔, 依家睇落去好滑呀!


       


       


     *  搽左面部變得通透有光澤, 膚色均勻, 毛孔細左, 白左又滑左!


 


真係好神奇!!!  屬白皮膚既我, 但用上咁深既 cream, 搽上面後又唔覺喎!? 唔通佢會自動調節膚色?  Woo, 果然係多功能修護霜喔!


用上一日, BB cream 都無浮到出黎, 份量少少就可以 keep到成日, 正呀!



 

                                           多謝BL x Dr. G


 


 


2010年9月26日 星期日

3元活化淨白美肌療程

 


究竟乜野係3元活化呢? 尋日膽粗粗係毫無資料之下走左去試用 elitebeauty “3元活化淨白美肌療程” (價值HK$1,680一次).


依次試用, 去左銅鑼灣既總店, 雖然 elitebeauty @ 中環同尖沙咀都有分店, 但我之前對佢都無認識...


 


     


     


店子細細, 一入門口, 店長都好有禮貌歡迎, 仲問我想飲水定係花茶添...


 


       


       


       


 


我問佢可唔可以影相, 佢好 nice 話可以, 叫我隨便; 真好, 咁我可以放心影啦!


跟住簡單填左一份問題, 想知道我對自己皮膚最唔滿意係咩問題等...


唔洗一陣, 就帶左我入去, um… 原來裡面都有唔細既地方, 仲有一大排 lockers 俾客人用!


 


      


     


     


      


  *  好細心喎... 乜都有晒俾客人用...


 


     


  *  Good! 做完 facial 個頭髮亂晒都唔怕...


 


然後俾左一對拖鞋我著, 可以 causal D relax D, 坐一陣等美容師叫我...


房間細細但好乾淨, 又有圍巾俾我換, 可以舒舒服服做 facial… 果一刻真係好期待!


 


      


             


後生既美容師簡單講左 “3元活化淨白美肌療程即係一個 EDTA treatment; 而我地女仕成日化妝, D化學物就會殘留左係皮膚到唔走而依個有 EDTA 成份既療程, 就可以將係D化學物從皮膚帶走, 令我地既皮膚徹底淨化, 收細毛孔, 緊緻輪廓等......


 


      


   *  美容師幫我影的療程用產品...


 


      


 


第一步, 美容師幫我用左 “Solution” 水潔面然後攞左塊鏡我睇下滿有光澤既面, hahaa… !


洗走左D污穢野之後, 第二步就用左 ph3 酸片只可搽上分半鐘, 為左去角質不過依個過程有少少難忍, 因為塊面感覺好痕同埋好吉!


不過好彩第三步就係敷有蘆薈成份既凍膜, woo, 超舒服喔!


最後, 就係用 collagen gel, 加上美容師既手勢, 不斷向面上拉, 收緊眼紋虎紋, 緊緻輪廓, 所以依個部驟唔可以笑同講野住, 咁我可以訓番一陣啦...


最後抹走個gel, 搽番面霜就完成啦...


坦白講, 面部真係即時睇到光澤, 有彈性, 仲柔軟左好多! 不過如果係清潔部分加埋蒸面或者去黑頭仔就 perfect , 因為我發覺鼻上仲有黑頭仔去唔乾淨喔!


 


     


  *  除左仲有少少黑頭既鼻之外, 其他面, 額, 下爬都好緊緻同埋白滑!


 


總括黎講依次既美容試用係好愉快, 走既時候店長仲多謝我黎試用, 仲完全無 sale 我要 join 任何療程, 真係好難得! 值得一讚!!!


 


             特別鳴謝 theZtyle.com X elitebeauty


 


 


2010年9月19日 星期日

富士菲林變洗面油???

 


一講“富士菲林”, 相信你同我都認識; 從前未有數碼相機既年代, 每個人一定會用菲林相機, 而你一定用過 FUJIFILM !


FUJIFILM 同護膚品, 又有乜關係呢???


估唔到 FUJIFILM 70年代時係菲林研發生產既過程中, 累積左骨膠原 & 納米產品研發既技術; 最後成功研發左 <<< ASTALIFT 護膚品系列>>>.


而我今次既試用, 就係 ASTALIFT既 Cleansing Oil 啦...


 


        


       


        


 



ASTALIFT 最吸引人既地方, 就係:


>>>  具有強抗氧化 & 抗紫外線, 增強免疫力等作用既高濃度蝦紅素 (Astaxanthin)


>>>  三種大小不同的骨膠原成份


>>>  鈉米技術


 


咁蝦紅素係乜東東黎架???  我其實聽都無聽過呀~  係網上打上 蝦紅素”, , 好處多到數唔晒...


佢主要係類胡蘿蔔素家族的一員, 有相當程度的抗氧化能力!  最勁係擁有維生素E大約1000倍既美容效果, 經納米技術處理後, 同三種大小唔同既骨膠原產生作用, 跟肌膚表層, 皮下, 滲到角質層既深層, 令皮膚保持彈性.


 


       


 


泵樽用上橙紅色, 真係好襯蝦既顏色! Haha


*  用左5, 首先皮膚無出現敏感, 質地水潤, 搽上面cleaning oil唔覺油膩, 無香味 (仲以為有蝦味添, haha), GOOD!


*  特別試用佢黎落防水眼妝, 超正! 少少份量已經可以落乾淨晒! GOOD!


* 唔洗過好多次水先至洗乾淨塊面 (唔會油笠笠), GOOD!


*  洗完面唔會扯住好乾, 仲有番彈性, GOOD!


 


想有健康既美肌, 真係要由底層開始!  塊面唔洗乾淨, 又點可以再吸收其他精華素同面霜呢?


今次好多謝 theZtyle.com X FUJIFILM beauty 抽中我試用 ASTALIFT Cleansing Oil ( 120m l HK$198), 俾我更加了解多左蝦紅素既力量, 同埋骨膠原對皮膚既重要!


 


P.S.  Photos video @ http://www.youtube.com/watch?v=pi5ot1QU6F4



 


 


 


 


 


2010年9月14日 星期二

買野記得睇清楚先好買呀! (喊)

 


前兩日開開心心去左尖沙咀利時行街買左兩件衫... 


為左健康同皮膚著想, 相信每個人都會將買左返黎既衫洗一洗先著, 我都係一樣!


估都估唔到, 用個盆仔加水浸其中一件衫一個鐘之後, 件衫可以甩色甩到咁!!!??? 我真係眼都凸埋...


岩岩放工特登坐十幾個站地鐵去利時諗住問下可唔可以換又或退錢, 點知個 sales 姐姐講左幾廿次都話唔得...   原因竟然話佢賣左好幾件俾客, 都無人話有問題喎!!!  佢真係痴線, 人地唔洗衫又或者唔攞黎換, 咁唔代表件衫係無問題架嘛!


講真, 我都唔 expect 佢可以退錢俾我, 但至少佢可以收番俾間公司睇D布有問題同埋俾我換過第二件款囉! 話晒件衫都成 HK$200, ~~~


 


 


       


    *  估唔到依件簡簡單單既衫, 黑色既袖可以甩到成件一攤攤...


 


       


    *  ...  洗唔洗甩到咁呀???


 


       


   *   連依D鏈都甩埋, 離晒譜架!


 


      

  


   *  一攤二攤, 有無得救呀???


 



各位姊妹, 你地第日買衫真係要好好睇清楚D質地同埋考慮顏色問題先好買呀! 如果唔係就好似我咁, 無啦啦白洗左二百蚊呀!!!!!


是日晚餐乜都無食, 因為已經一肚氣!!!!!!!!!!!!!!!!!!!


 


P.S. 有乜救衫既方法, 請指教指教, 謝謝~


 


 


2010年9月13日 星期一

SASATINNIE 電眼娃娃超鬈曲睫毛液

 


相信每個貪靚既女仔屋企都會有好多支唔同 function 既睫毛液


而我都有好幾支, 不過全部都係鬈曲刷頭架


 


        


       *  我既珍藏唔同場合用唔同既睫毛液!


    


 


今次多謝 BL x 莎莎既邀請, 俾我可以試用好多姊妹都話正既 SASATINNIE 電眼娃娃超鬈曲睫毛液!


 


        


    *   就係佢啦 --- SASATINNIE 超鬈曲睫毛液


 


        


     *   Made in Italy


 


      


   *  用左立體梳型弧度刷頭設計 (我第一次用依種刷頭咋)


 


       


  *   喜歡每次拉開刷頭, 無痴住多餘的睫毛膏, 份量好平均


 


      


   1/  先用睫毛夾輕輕夾起眼睫毛


   2/  然後由下向上梳起, 梳型刷頭會細緻均勻地梳起每條睫毛


   3/  向上拉多幾下, 纖長捲翹既睫毛就更加明顯 


   4/  睫毛膏好快乾, 眨眼都唔會整污眼妝而變成熊貓眼, GOOD!


 


         


   *  我既新寵兒 – Sasatinnie Super Dolly Powerful curling Mascara


 


估唔到用左成日, 睫毛都可以 keep 住直一直同鬈曲!  今日開始, 我個化妝袋唔洗再帶睫毛夾出街啦!


不過, 唯一一樣要留意, 就係要用強勁DD既落妝油卸妝啦; 因為依隻睫毛液係防水架!


Anyways, 我都幾推介依支 Sasatinnie 睫毛液呀! 靚靚眼妝必備! 用過你就明啦!


 


 


 


2010年9月6日 星期一

愛上 Guerlain 殿級蜂皇嫩肌精華素

 


我細細個就知道, 蜜糖係有益既天然食品! 多吃可以強壯身體, 美容養顏, 預防疾病, 強化肝臟等...  而蜂皇漿更加可以加強人體免疫系統, 因為佢含有豐富既維他命!


從網上資料知道, 蜂皇漿含有氨基酸, 蛋白質, 營養素, 微量元素同埋維生素, 對皮膚特別有好處, 可以滋潤皮膚的結締組織, 促進細胞再生, 減少面上皺紋&斑點! 如果女士們成日食仲會容光煥發, 青春常駐, 皮膚細緻.  而且, 蜂皇漿中含有很多醋酸, 醋酸能促使副交感神經, 使女性肌膚更見光澤. 


好開心係 theZtyle.com x Guerlain 有獎問答活動中嬴左一套價值 HK$313 既嬌蘭全新嫩肌精華素體驗套裝! 憑收到既 SMS 去左朗豪專櫃, 個靚靚 BA 好好人, 慢慢同我介紹份禮物適當既試用步驟, 最後仲俾我試埋香水先走呀!


禮物一套4件包括:


1/ Abeille Royale (5ml)


2/ Super Aqua – Lotion (15ml)


3/ Super Aqua – Day (3ml)


4/ Super Aqua – Night (3ml)


 


     


  *  就係依支 Guerlain 殿級蜂皇嫩肌精華素啦...


 


     


  *  蜂皇嫩肌精華素試用裝 5ml


 


     


 *   除左主角蜂皇嫩肌精華素外, 仲有 lotion, day cream & night cream


 


岩岩先向91號推出既 Guerlain殿級蜂皇嫩肌精華素, 選取來自法國頂級蜂皇漿, 製成 Abeille Royale Youth Serum Firming Life & Wrinkle Correction (HK$990). 

依支殿級蜂皇嫩肌精華素運用蜂皇漿內的活性成分刺激細胞既更新同修復, 結合科學化既提取修護受損肌膚; 而豐潤既精華素更可減淡幼紋, 改善鬆弛度.


估唔到蜂皇漿除左可以食用之外, 仲可以用黎護膚架!!!


 


        


  *   體驗版樽仔設計高貴, 精華素可以按頂部泵出適當份量, 衛生又唔浪費, 我好鍾意呀!


 


        

  *  質地薄且creamy, 容易推開!  仲有好香既蜜糖味道, 搽上面好快吸收, 完全唔覺得黏笠, 仲覺得好滑添! GOOD!


 


      


  *   又話女人三十誇啦啦既???!!!  點解我已經有好幾條虎紋仔架, ~~~


 


      


  *  Super Aqua – Lotion, 名副其實的超水潤! 帶有清香既玫瑰花味, refresh !


 


      


   *  Day time試用左日霜 Super Aqua – Day, 質地少少厚身, 但亦容易推開, 而且好快吸引.


 


 


      


  *  Night time 就用晚霜 Super Aqua – Night, 質地同樣少少厚身, 但亦容易推開, 搽上面感覺好水潤; 到第二朝起身, 面部仍然好濕潤, 但又唔笠, 抵讚!


 


 


岩岩試用左一星期, 剛巧又遇上颱風獅子山既探訪, 係又熱又乾燥既天氣下, 依支Guerlain 嫩肌精華素簡直係皮膚既救星.  除左俾我塊面有足夠既滋潤外, 短短一星期已經有好明顯既緊緻, 皮膚仲好柔潤; 不過虎紋就只係淡左少少呀! (不過相信 keep 住用, 一定會無晒紋仔架!) 你地睇下~~~


 


       

 * 我的左邊面珠


       

* 我的右邊面珠


 


從前以為媽咪級先要用精華素, 但今日我終於知道唔係啦!!!


不過, 依支 Guerlain 殿級蜂皇嫩肌精華素價錢都唔平喔!  想繼續享受非凡緊緻修療既力量, 我諗我都要儲下$$先啦...



     
 

      


* 秋風起, 我地真係要好好為肌膚作好準備, 為免乾燥既紋仔表露人前, 儲緊錢買嫩肌精華素之時, 不忘整番杯 sweet sweet 蜜糖飲下先...


 


 


 


2010年9月3日 星期五

全新OLAY多元修護清爽凝乳

 


尋日係尖沙咀 iSQUARE 舉行左 OLAY多元修護清爽凝乳換領日


只要帶同保濕產品樽 (而依個樽要over HK$200或以上既香港專櫃品牌既面部保濕霜或保濕精華), 就可以換領一樽全新 OLAY多元修護清爽凝乳 (價值HK$179.9).


好彩我平時都會儲番D護膚品吉樽, 今次我就帶左 Bobbi Brown Hydrating Face Cream 去換啦


 


     


     


 


 


      


  *  尋日都唔係好多人去換, 唔通宣傳唔夠???


 


 


OLAY 仲設有 Bloggers 專線, 俾我地可以優先換領 OLAY&日本天才插畫家青山京子小姐既限量版添


 


     


 


 


     


     


     


*  初初仲以為係個樽都有公仔, 點知原來只係個包裝盒有插畫咋


 


 


     


  *  “NEW”??? 唔知依支同佢舊款果隻細肥短樽有咩分別呢?


 


 


     


  *  今次強調有柔滑清爽質地特別適合年輕女性使用!!!!!


 


 


     


 *  解決7種問題? 真係要用過至知


 


 


     


 *  輕力泵出少少, 果然質地比舊版薄身好多, 唔油膩, 好快吸收, 仲有淡淡既綠荼甜味, 好香呀~


 


依隻新凝乳註明加入左ROS成分, 含天然綠茶精華, 維他命C, E, 結合高效抗氧代合物, 有效清除過剩自由基, 增加健康的膠原蛋白!  Um… 咁好? 真係要好好試一下