好耐都無整沙律食啦...
最近成日見到整 <地中海沙律> 既介紹同埋佢對健康既好處, 所以就試下整黎食下啦...
其實主要材料係有蔬菜同豆類, 重點係加初榨橄欖油同黑醋, 咁就OK架啦...
今次我就有沙律菜, 三色椒, 薯仔, 蕃茄, 牛油果, 椰菜等等...
只要將各樣材料洗淨, 而三色椒, 薯仔同埋椰菜切好兼用水煮熟放涼, 就可以上碟啦!
真係又簡單, 又colourful, 又健康, 又好味...
* 我就係用以上既材料整架啦...
2010年4月15日 星期四
2010年4月11日 星期日
一齊愛地球 - 換 Origins 白茶美肌產品試用裝
岩岩見到有個又正又有意義既 promo, 所以我要即刻通知俾大家先…
由4月16日起, 只要你將任何品牌的護膚品空樽及塑膠容器, 交去 Origins 的「塑膠瓶回收箱」中回收, Origins 就會送出由你選擇的其中一款 A Perfect World白茶美肌產品 試用裝以作回饋架啦!!! 「塑膠瓶回收箱」中收到既容器, Origins 會把收集好的物資交到本地回收再造商, 變成可循環再造的塑膠粒及其他有用塑膠物料, 除實際地減低堆填區的負擔、燃燒這些膠製品所做成的環境污染外, 更為地球的「健康」出一分力! 各位姊妹, 我地要愛地球, 一齊去支持下啦! * Origins上年已同美國著名雜誌《Allure》合作, 舉行大規模的 Return to Origins「舊瓶回收‧新品回饋」計劃, 將回收到的超過7,500磅的樽及容器, 轉換為可循環再用資源… * 由4月16日至5月16日, 每售出一支全新的 A Perfect World 白茶抗氧防曬隔離霜, Origins 亦會透過 Global ReLeaf 以你的名義為地球種植一棵樹架! 
2010年4月7日 星期三
飲左會由內靚到外既羅漢果茶
未睇蘇絲黃之前, 都已經知道羅漢果既好處…
近日上網了解, 原來佢既功效真係唔簡單架!
平日間中飲下, 可以解除發病隱憂, 即係排毒呀…
放左幾日復活節假期, 日日出街食… 想簡簡單單的 “進補”, 就可以煲下 <羅漢果茶> 啦!!!
只要:
1/ 一個 (用水沖沖表面就夠) 羅漢果壓碎外皮, 然後將裡面既種子分開
2/ 最少要放兩公升水落個煲 (即 2000ml)
3/ 水滾後先放碎左既羅漢果, 用中火煲二十五分鐘
4/ 跟住熄火, 攤十分鐘先飲
其實依個份量可以整到四杯架! 如果飲唔晒, 就入樽雪入雪櫃第日慢慢嘆…
* 一次用一個黎煲就夠架啦!!!
2010年4月1日 星期四
白汁肉丸帶子蝦墨魚麵
心血來潮想整西餐做晚餐, 依晚就決定整個 <白汁肉丸帶子蝦墨魚麵> 啦!
由於放左工先可以準備各樣野, 所以今次依個白汁, 都係買左罐快靚正既金寶周打蜆湯做個麵汁...
另外材料就有: IKEA 買既肉丸, 鮮蝦, 帶子仔, 三色椒
至於個墨魚麵, 就係之前行SOGO 時買既…
仲有樽雜錦香草, 好香呀! @ Citysuper 買既…
首先煮熟個麵先… 個墨魚麵都要煮成十分鐘先至淋身呀!
跟住就分別將各樣野炒至七成熟先…
最後再開爐煮個湯底加半罐水煮滾, 然後就順序將肉丸, 鮮蝦, 帶子仔, 三色椒煮多兩三分鐘~!
搞掂, 上碟… 加番少少香草, 食得!
超開心呀! 個賣相超得! 亨利一見到仲嘩左一聲出黎呀!!!
Hehe… 不過佢話個汁如果濃味DD就perfect喎! 好啦, 下次等我試下加少少芝士煮個白汁先…
* 只係用以上咁簡單既材料, 就可以煮一味又健康又正既晚餐啦...
訂閱：
文章 (Atom)