92ºC Café

 

依間西餐廳, 因為佢既裝修同野食, 令我同亨利再黎第二次...

我地今次一人叫左一份鵝肝; 鵝肝大大件, 真係正呀!

跟住亨利就叫左個好蘇既羊架, 我就試牛扒 (元冧肉), 好味喔~!

 

      

 

      

 

      

 

      

 * 一人一份鵝肝!

 

      

 

      

 

      

 

P.S. 埋單盛惠人仔二百八十幾蚊!

 

 

emoi 基本生活

 

離酒店唔夠五分鐘, 仲發現有一間好似賣無印良品野既小店 --- emoi 基本生活.

Woo, 好多野都好靚又唔貴; 原來香港銅鑼灣霎東街, 上個月尾都開左一間架 emoi 呀!

 

 

      

 

     

 

     

 

     

 

     

 

  * 買左D浴室用品同杯蓋

 

 

以下就係華橋城創意文化園既四周最 hea 既環境啦!!!

     

 

     

 

     

 

     

      

 

   *  高民安開的 My Coffee

 

      

 

 

 

 

城市客棧 City Inn @ 深圳創意園店

 

上星期六日同亨利去深圳 hea 左兩日...

今次我地去住左一間幾舒服既 “城市客棧”, 而創意園店就係新開既分店...

真係估唔到原來依間客棧係我同亨利之前去過既華橋城創意文化園附近, 環境真係幾hea 架...

 

       

       

       

       

       

       

       

 

P.S. 人仔三百幾蚊一晚真係好抵住呀!!!

 

 

蘋果海底椰無花果川貝豬展湯

亨利無啦啦咳左兩日; 雖然睇左西醫, 但一食左咳水, 就會人都頹晒, 要即刻訓覺...

見到佢咁辛苦, 我上網學下煲乜湯水飲好...

我咁大個女第一次去買海底椰, 無花果同埋川貝; 嘩, 原來依D材料都幾貴架...   川貝仲要成一百蚊一両呀!!!

不過, 唔緊要啦...   我只希望亨利快D好番咋!





       

   *  依D就係無花果, 海底椰, 同埋細細包又係最貴既川貝啦...



       

   *  南杏北杏



       

   *  果皮要先浸軟



       

   *  十蚊豬展洗淨



       

  *  全部野煲一個鐘就飲得...  蘋果唔駛太早放, 煲左30分鐘左右先放蘋果會最好!

      (因為太好味, 依張湯飲左一半先記得影相呀, hahaaa... )

Nokia 5530 XpressMusic

 

雖然前幾日亨利激到我喊, 佢道歉後我都原諒左佢...

不過我都好開心亨利第二日買左部新手提俾我, 就係 Nokia 5530 XpressMusic 啦...

我唔係一個成日轉手機既人, 亦唔跟潮流; 所以我對部靚野 touch screen 都好有新鮮感!

個樣真係幾靚同幾型既, 不過我仲未好慣篤篤下個 screen…   篤唔正果陣, 又覺得佢好慢; send 個 SMS 都要搞好多野, 都幾麻煩...

不過, 我就鍾意佢可以上網同玩 facebook; 去街或者食野, 都可以隨時 upload D 相同朋友仔分享, 好野!!!

 

     

 * 機身唔係好厚

 

     

  * 白色機身間藍邊都幾靚喎 (連320萬像數鏡頭, 正呀!)

 

      

  * 個 screen 唔太細, standard size 啦, 都睇得清楚同舒服

 

 

細佬新居

 

好開心細佬榮升為業主... 

依位大忙人, 花左好幾個月為新居設計同裝修, 尋日終於入伙啦...  真係可喜可賀!

地方雖然不大, 但睇到佢真係花盡心思, 為每一樣野都整到最fit最靚...  佢既傢俬設計, 簡直顯露出佢既功力, 真係要俾十個叻佢!!!

作為家姐既我, 就係咁意地送上兩部日立小涼伴啦, 再加一套日本靚碗同埋一盒金莎朱古力作為賀禮, hahaa...

 

 

     

 * Hello, 歡迎光臨!

 

     

 

  * 一入門口頭頂已有一排好靚既水晶燈

 

     

 *  開放式廚房, 都幾實用...  大門仲要特登搵人訂造: ME = Mike & Elaine (好浪漫喔!)

 

     

  * 洗手間門用晒銀色馬賽克, 型爆!!!

 

     

  * 識嘆既佢買左個有射水按摩功能既花曬, 好豪呀!

 

     

 * 我與靚媽@客廳...

 

     

 * 副牆紙好靚!

 

      

 * 兩位入伙既主角, 恭喜晒!!!

 

     

  *  46吋大電視    房都用埋開放式設計加埋地台, 增加儲物空間, GOOD!

 

     

 * 靚靚入牆櫃加埋我最鍾意既吊燈...

    

 

    

 * 好靚呀個絲絨床頭櫃!!!!!!!!!!!!!!!!   I LOVE THIS DESIGN SO MUCH!!!

 

    

 

 * 襯埋兩邊水晶吊燈, 以為去左五星級酒店呀!

 

    

 * 個絨布床頭櫃可以開放野, 好實用呀!

 

    

 * 地台裡面可以放野...

 

    

 

 * 細佬有個好朋友送左副好靚既LV麻雀俾佢! 你睇佢幾開心...

 

    

 *  雖然係A貨, 但都真係好靚...

 

    

 * 房加左個日式熨門設計

 

     

 

P.S.  間屋係咪好靚呢!!! 今次真係要讚下細佬!!! 因為個環境同設計真係好舒服喔!

  各位朋友, 如果你地在傢俬設計上有任何既需要, 有興趣既話, 可以搵阿Mike架!!!