2009年6月26日 星期五

車品品 @ Ivy Street

 


同亨利即興去行街食飯, 第一次去左埃華街...  個英文仲叫 Ivy Street, 真係幾得意!


街細細但都算有頗多既食店...


就係因為門口有個牌介紹 "中式鵝肝滷汁麵", 覺得好似好正, 所以就入左依間叫


<車品品> 既舖啦...


 


     


 


     

 


  *   個名幾搞笑...


 


      


 


     


  *  亨利叫既 蟹子"鹵肉餃" 麵, 好味!!!!


 


     


  *  麵同餃分開上...  個麵勁多蟹子呀!


 


     


  * 我既大雜車仔麵... 好一般, 勁失望... 食左兩啖仲發現有隻小小強黏左係條菜到!  


    OH MY GOD!!!  @#%^&!~  (早知影底隻小小強俾大家睇下啦!!!)


 


下次唔會再去同埋唔敢再食車仔麵啦.... 


 


 


2009年6月24日 星期三

晚裝裙

 


好開心, 我既最愛之一, 細佬, 佢年尾會結婚啦!!!


雖然見到佢地仍未開始為結婚既野緊張, 但見到佢地都好似上年既自己咁一步一步既為新居準備, 影婚紗相等, 我同亨利都替佢地開心...


身為家姐既我, 前幾日去左睇晚裝...


心情好特別呀!!  大半年前既自己, 仍然為大日子準備; 宜家咁快又被我可以再接觸番婚禮既事, 個心仲好有之前待嫁既興奮呀!!!


前排我都上網睇下 D blogs, 睇下邊到租晚裝好...  無意間, 俾我見到一間新開既店, 而且D 衫我都好鍾意架!


店裡既人真係好好, 我第一次去, 都俾我任試...


其實因為我唔會揀紅色/太閃/sharp/拖尾等, 所以好快都揀到鍾意既晚裝...


講真, 如果依間店早多半年開, 我結婚時一定會同佢地租衫呀! 又靚又新又好服務, 同我結婚時租果間比較, 依間真係好掂!


Anyways, 好開心我依家可以租到靚裙; 又可以俾我有藉口扮靚靚啦!


P.S. 租晚裝 @ In Wedding (http://hk.myblog.yahoo.com/in.wedding/index?l=f&id=7)


 


       


       


       


 


你地覺得邊條靚呢??? 最後, 又估下我租左邊條???


                                     .


                                     .


                                     .


              答案就係:


第一眼就超鍾意第一條紫色, 因為覺得簡單得黎又大方... 可惜, 想租果日俾人hold左呀!!!!!  家下要 @ waiting list 呀!


跟住, 一試第二條金黃, 又好鍾意喎! 因為著起無咁瘦, 肥肥地靚D嘛...  不過就撞晒晚宴場地既金色...


但再試最後酒紅色果條, 又好鬼鍾意喎; 因為好有晚裝feel, 清清地; 不過顏色就 --- 好似紅左D喎??!! 會太搶新娘鏡啦, right???


所以依家confirm 左第二條金黃色! 到十月如果hold左紫色裙果位放棄既話, 我就可以再試同諗下轉唔轉番條紫色裙啦!


 


 


 


2009年6月22日 星期一

Starbucks x G.O.D. - 冰室角落

 


前兩日睇雜誌知道中環開左間星巴克 x 住好D既 "冰室角落", 假期即刻同亨利去睇下...


可能係星期日既關係, 超級多人呀!!!  直情誇張到full 晒枱之外, 仲要企滿好多人狂影相果隻...


搞到我同亨利都無乜 mood... 飲同食左成百蚊野都唔可以嘆多一陣, 唉......


不過, Starbucks 今次同 G.O.D. 咁玩法真係幾搞野既, 個場真係幾特別架!


 


 


      


 


      


 


   


 


        


 


       


 


      


 


        


  *  勁多懷舊裝飾, 好搞笑....


 


         


   * 碎朱古力忌簾, 好味呀!


 


         


   *   傻架, 超多人呀!!!


 


 


2009年6月20日 星期六

父親節慶祝 @ Cafe by the Park

 


今年父親節, 我地提早左係星期五同爹哋慶祝...
 
今次我地又去左沙尖沙咀龍堡酒店既 Café by the Park 食buffet 呀!!!  因為地方對大家都方便, 而且環境同野食又ok喎, 最緊要又唔貴呀嘛... (HK$248 + 10%@)
 
我地差唔多一年都黎依樹食一次架; 而依日仲全場 full house 添!


 


    


* 有好味既生蠔, 燒蝦等...


 


    


* 亨利同我細佬喪飲樽裝汽水...  估唔到連依D都可以任飲, 真係好抵呀!


 


    


* 五位以上仲送‘玉環燉鮑翅’壹窩呀!!! 好味! (個心型碗好靚喔!)


 


    


    


    


* 仲有刨冰, 自己可以任加生果, 椰果, 糖醬, 珍珠等!!! 正! 必食!!!


 


     


* Happy Father's Day~!!!


 


   


* Cafe by the Park @酒店既一樓...


 


    


* 酒店&童軍總會其實都係在同一個building, 而拱岩亨利食buffet之前要去開大會, 所以著左全套制服呀!!! 你睇佢幾型仔...


 


 


 


2009年6月18日 星期四

Pasta De Waraku @ 荃新天地

 


尋日同亨利放左工出街食飯, 之前一直想試既餐廳, 今次可以去食啦...  因為之前假期/節日都有超多人等位!


依間日式意粉屋, 主打和風意粉, 仲有好多小食; 見到個 menu 已經覺得好吸引...


我地揀左一個套餐, 包括沙律, , 焗飯及自選 menu 內任何一款意粉連一杯野飲... 跟住我地再揀左兩個小食, 有芝士焗日式年糕 & 咖哩日式燒餅(伴芝士汁)...


真係估唔到, 原來佢地既野食, 全部都係咁的骰, 細細碟, 我地仲以為食緊兒童餐添呀!! Hahaa...


不過, D野食都幾好味喎!  細細碟原來都幾好, 因為可以試多D其他野食! 同埋好岩我地D女仕們喎!


最值得讚就係大部份員工都好勤力, 又有禮貌! 叫佢做乜都係即刻去做架! GOOD!


 


  


* 餐既和風沙律同粟米湯...


 


 


* 牆上既"裝飾"好靚, hehee...


 


 


* (Q版) 帆立貝蝦芝士焗飯,好味!


 


  


* 咖哩漢堡扒意粉,好好味!


 


  


* 依個就係其中一個小食-咖哩日式燒餅啦... 係好好好味!


 


   


* 燒餅裡有菜&薯仔... 又係細細份,食完唔會好飽架!


 


  


* 依個就係芝士焗日式年糕... 有少少失望, 仲無食晒; 因為太多油, 唔敢食呀...


 


   


* 發現 menu 內寫住有綠茶免費任飲, 食飽我地就叫左黎飲... 原來係玄米茶, nice!


 


     


 


     


* 餐廳入口/等位既地方,舒服!


 


P.S. Photos by 亨利既Nokia手機, 因為我唔記得帶我部新玩意出街呀!!!