2009年12月27日 星期日

慶祝結婚一周年 @ Chit Chat Oyster & Grill



2009年12月22日 (星期二) 冬至

依日好開心, 難得可以請平日假去慶祝, 真好!

我同亨利訓到十一點起身, 跟住整左兩個 burger brunch…

食飽飽就扮靚靚去左我第一次去既 <香港海防博物館>…  真係估唔到依樹環境咁靚架!

到夜晚, 我地去左鯉景灣食左一餐難忘既晚餐, 正呀!



Part I: 整個正既 brunch 俾亨利食先...



      


      


      


     
 

  * 好好味呀!!  下次等我自制牛肉餅做 burger 俾亨利食先...



Part II: 去 <香港海防博物館> @ 筲箕灣



       


      


      


     


    


    


    


    

Part III: Chit Chat Oyster & Grill @ Lei King Wan



我同亨利都係第一次黎依間食飯... 

感覺幾舒服, 加上食物一流, 服務又周到, 真令人難忘... 



      


  *   Appetizer 揀左白汁青口... 個汁 perfect, 簡直想成碗飲晒佢呀!!!



      


  *  跟住當然係唔少得我最愛既鵝肝啦!



     


  *  依件係我既! Woo, 好大件呀!!!



     
  * 亨利與鵝肝



     


  *  亨利揀既龍蝦湯...  勁濃, 我覺得鹹左D, 唔係好岩我...



     


   *  我既黑松露菌忌簾湯, 味道岩岩好, 好味呀!!! 如果大碗D就好啦...



     


 *  Main Course 係 9oz 既安格斯牛柳, 都幾好味喎...



     


  *  再黎一個露荀意大利飯... 開始 full full 地... haha...



     


  *  最後當然唔少得要黎個甜品拼盤啦... 嘩! 好滿足喔!



第一年既結婚周年慶祝, 原來簡簡單單舒舒服服咁享受一日, 就可以好開心, 好難忘架啦!  Thank you 亨利!





2009年12月21日 星期一

結婚一周年啦~~~!

 


上年既今日, 我成為左 "陳太"...


依家睇番結婚D相同 video, 仲好似前幾日發生完咁... 時間真係過得好快呀!


為隆重其事 <結婚一周年紀念日>, 我同亨利聽日都唔洗返工, 目的係要去慶祝一番!!


Well, 唔知聽日有無 surprise 呢??? hehee...


 


      


 


 


2009年12月19日 星期六

心太軟 @ 7-11

 


有新發現呀!!!


亨利話俾我知7仔有心太軟, 個海報仲寫到好吸引咁: <比利時朱古力> <季節限定> <只需十秒><每盒 $9.9>…


不過好可惜, 佢問左兩日7仔都話賣晒哎呀, 真係激死人呀!


幸好我地岩岩返娘家做節, 係附近走遍左 3 7, 最後俾我地發現其中一間仲有一盒淨…  哈哈, 我地梗係唔會放過, 即刻買盒返屋企試下啦


雖然個蛋糕細細, 但只要放在微波爐用中大火叮廿秒左右就食得, 真係超方便! 最重要係同一般甜品舖食的味道差唔多, 加上只係 $9.9, 真係抵到爛!!!


希望個龍堡 心太軟唔好只係做 <季節限定>, keep 住成日都有, 仲要到到都有得賣就正啦!!!


 


 


          


 


         


    *   個盒細過一隻手掌 size...


 


         


    *  拆盒唔要蓋, 跟住就可以入微波爐叮啦...


 


         


    *  用刀一界開, woo... 朱古力唔太甜, 正!  總之以咁既價錢, 食得又方便, 真係好正!


 


 


2009年12月17日 星期四

細佬結婚斟茶篇 - 15 Dec 2009

 


十二月十五日, 係細佬同 Elaine 既大日子...


朝早十一點幾, 細佬接左新娘, 就返(我地)男家斟茶啦...


真係好開心, 好感動... 本來大家都笑住斟茶, 但由於爹o地超眼淺, 最後佢又忍唔住喊左出黎, 搞到跟住媽咪, 細佬, 我呀都喊埋一份....  


Anyways, 依D都係開心既眼淚黎既!


 


         


        

 


   *   我們的全家福!


 


      


  *  開開心心送禮物同收禮物! hehee....


 


      

 


    *  爹o地又感動到喊, 仲喊到眼都腫晒呀!!!  


 


      


    *  祝依對拍左13, 14年拖既你地, 白頭到老, 永結同心!!!


 


      


   *   我升呢做左姑奶啦... hahaa...


 


 


2009年12月16日 星期三

細佬上頭篇

 


我最愛既細佬終於結婚啦...


星期一晚八至九點係吉時, 一家人食飽飽之後就為細佬既上頭做好準備...


媽咪準備湯圓之時, 我地就影下相留念...


 


      


  *  你睇, 大個仔仲成日掛住玩...


 


      


      


      


  *  爹o地係好命公, 所以理想當然係佢幫細佬上頭啦...


 


      


  *  個扁柏用紅繩繞住個束頭髮, 哈哈...


 


      


  *  一句 "高升" 就上頭完畢啦... YEAH!


 


 


2009年12月9日 星期三

甜之迷 @ 九龍城廣場

 


果日食完清真牛肉館之後, 我同亨利無意間經過九龍寨城公園; 個公園仲幾靚架, 亨利即刻試新機


影完相之後, 我同亨利就去左九龍城廣場裡面間 <甜之迷 > 食甜品


前排上網見到一個blogger 勁讚, 可能抱有希望既情況下專誠去試, 點知 --- 失望而回!


我地叫左個三色既甜品, 款式可以任選的…  最後我地揀左同佢地個 menu 一樣的款式, 同埋揀左我既至愛 <心太軟>.


當甜品送黎既時候, 我個心第一句就係 ! 洗唔洗咁細件呀???


第一, D甜品有幾貴呀?! 整到咁細件你估你係酒店咩, 況且最失望既係所選既都唔見得好食! 坦白講, 我自己仲整得好食過佢呀!


唯一好既, 就係地方算係靚靚地既裝修, 乾乾淨淨咁! 假日仲有大把位添...


朋友們, 如果對野食唔講究, 又或者想搵個地方休息下同三五知已坐一個下晝, 依樹可能係一個好既選擇既!


 


Photos @ 九龍寨城公園


      


      


      


     


     


     


     


     


     


     


 


Dessert time @ 甜之迷


      


      

 * 假日都大把位...


      

 * 先黎杯暖水...


      

 * 所謂既三式甜品啦...


      

 * 一啖可以食晒


      

  * 勁淡既咖啡凍


     


     


  *  簡直係 Q 版 <心太軟>...