2009年11月29日 星期日

椰汁木瓜雪耳糖水



踏入秋冬, “進補真係唔少得  

不過, 我所謂既 進補”, 就係除了勤力敷面膜之外, 就係煲多D湯水飲同埋整糖水食

尋日第一次整左一個超簡單又好好食仲好潤既糖水,就係 <椰汁木瓜雪耳糖水> !

真係估唔到原來係咁易整…  如果出街食, 依碗糖水就貴啦!

只要準備浸軟既雪耳, 南北杏, 一個小木瓜,一罐椰汁, 同埋適量冰糖就搞掂啦



二人份量:

   用四碗半水煲; 水滾後放入南北杏同雪耳用中火煲半個鐘...

   跟住轉中至細火加入冰糖煮一陣;

   放入木瓜... 同埋倒晒一罐椰汁... 煲多約十五分鐘熄火!


    


  *  浸軟雪耳, 跟住洗淨剪小份...



    


 *  小量南杏北杏 (沖沖水)



     
 

 *  快達牌椰汁... 如果唔鍾意食又或者怕肥, 可以唔落架...



    


 *  又平又靚既細木瓜一個



    


 *  煲好啦!!!



    


 *  甜度岩岩好! 我同亨利一人一碗, 正呀!!!



    






2009年11月23日 星期一

Laneige Water Sleeping Pack_Ex

 


天氣勁乾燥, 皮膚同喉嚨都要好好保()番下


最近見 Laneige Water Sleeping Pack_Ex 做緊 promotion 只係 HK$160 一盒, 真係超抵呀


雖然屋企仲有支平日用既 Origin Drink Up, 但用左一排, 都係時候要轉一轉


我狼到一口氣響 Parklane 間專門店買左兩盒再加左支 Strawberry Yogurt Peeling Gel; 用左一星期, 發覺好得喎!!!


支士多啤利軟膚磨沙, 近日我就淨係用黎磨下個鼻同個下爬! 感覺好乾淨好舒服呀!


至於個新出既 Water Sleeping Pack_Ex, 最正係可以搽埋對眼! 對我依種大眼袋兼勁乾既人黎講, 真係一物二用呀!!!


本來我都好怕淋痴痴咁搽滿塊面就去訓, ,但點知佢真係好快吸收, 仲一D 都唔 mount , 而且好香架!!!


 


P.S.  靚女們, 你地要記住:“世上無醜女, 只有懶女人!架咋...    家下轉天氣, 護膚一定唔可以少喔~!


 


 


        


 


 


2009年11月15日 星期日

Hello Kitty 冷暖雪櫃

 


換到啦!!!  終於碌夠大新張新卡去加多$99換部 Hello Kitty 冷暖雪櫃啦!!!


細細部, 好靚, 好鍾意...


不過感覺真係有D兒嬉, 膠膠地咁; 開得耐唔知會唔會熱溶部雪櫃架呢? Hahaa…


 


       


       

  * 真係好鬼 cutie 呀!


       

  * 好靚喔~!


       

  * 機旁既插電位置...


       

  * 機後既散熱位...


       


    *  你睇, 其實內裡真係好細架... hahaa... 睇黎我都係用黎裝飾物用好過囉!


 


 


2009年11月11日 星期三

靚相

 


應好友既邀請, 前幾日去左中環都爹利街間 G.O.D x Starbucks 飲野加影相  


超開心今次俾開張既時候少左好多人 (雖然都係坐滿), 但起碼我地都可以影到好多靚相


好開心知道好友既攝影技術進步左好多, 兼且果種對攝影既熱誠, 真係好值得欣賞


“Practice makes PERFECT!” 你要加油呀!


 


 


       

  * 我的近照, heheee...


       


      


      


      


       


      


       


       


      


       


      


       


      


      


          


 


2009年11月4日 星期三

全視線眼鏡

 


從前我係一個有八百度近視既四眼(盲)妹...


好幾年前拎起心肝去做激光矯視, 變成零度近視...  超開心可以唔洗再帶住個 (核突) 眼鏡出街~!


不過近來發現出左全視線鏡片, 主要功能係防 UVA, UVA 會直接導致皮膚癌, 仲係白內障既主要成因架!


而帶全視線鏡片係室內既時候, 其實同普通鏡片冇乜分別, 只係一到有陽光既時候,就會變深色囉...


為左保護我既靚靚大眼睛, 我就走去配左副平光但加左全視線 function 既鏡片既眼鏡...  (無近視又要配番個眼鏡, 唔知算唔算多此一舉呢? haaa)


等我聽日帶佢出街"玩下"先...