我的便當

 

上個星期開始帶飯返公司食, 拱樣可以慳番D錢之餘, 仲可以健康DD...

唔想聽日又食番尋晚既餸, 我特登煮螺絲粉...

個香菇味既茄醬同埋黎自美國既三文魚, 簡直係依個便當既精髓呀!!!

煮淋左螺絲粉之後, 換第二個煎 pan 煮三文魚; 加埋切左片既薯仔&火腿, 跟住加三大匙既茄醬煮多一陣...

超香呀!!! 可以裝入便當帶返工食啦...

 

  

 *  一人前就要一飯碗份量既螺絲粉

 

  

 

  

 * 切多幾粒車厘茄仔, 加埋少少菜, 多左D顏色, 食得開心D!

 

 

 

(新)華都海鮮酒家 @ 東涌舊碼頭

 

果日食完薯塔, 跟住就坐機鐵去東涌行街街啦...

因為之前亨利有個兄弟介紹過去東涌舊碼頭食海鮮; 所以我地行左一陣, 就係港鐵出面的士站附近坐 (寫住新華都酒樓果架) 酒樓既免費車入去試下啦...

車程五分鐘左右, 酒樓就在海邊, 感覺有D似鯉魚門...

 

  

 *  我地無親自揀海鮮, 因為亨利其實唔係太食蝦蟹, 所以...

     依樹環境好一般... 我地都係鍾意去長洲食多D~~~

 

   

 *  我地叫左豉椒炒蜆, 砵酒焗蠔, 兩隻大扇貝, 同埋一個漁村小炒...

     你睇隻蠔幾肥幾大隻, 食完超飽呀!!!

 

     

 *  埋單一共 HK$265... 都唔係算太過平喔!! 

 

 

天后誕

本來同亨利坐緊車去青衣機鐵站再去東涌行街街... 突然發現點解出面有拱多人同小食既??!! 依個時候, 我同亨利就決定中途落車去睇下啦...

亨利成日話係來自香港島既城市人, 因為我未見識過依D場面... 原來係天后誕~~!

真係估唔到有拱多野食擺賣, 好似去左台灣夜市咁呀!

最難得係我地仲食左樣係台灣無食到既薯塔, 竟然俾我地係香港食到...

我地仲睇住佢係由一個薯仔, 跟住吉返支籤, 一拉就變左一層層扭扭下既薯塔; 然後就放入D油到炸... 嘩, 好鬼熱氣呀!!

不過算啦, 因為好好味喎... 味道仲好似"珍珍薯片"添... 



       

    *  有個好大既戲棚...



     

     

雄性蕃茄???

 

前兩日去奶奶屋企食飯, 佢送左個好搞笑既野俾我, 就係依個"雄性蕃茄"啦...

我同亨利一見到都笑左好耐, 因為真係好搞笑... 雖然係心邪左少少, 但真係好似個"姑姑仔"呀!! wahahahaa....

 

        

 

 

Crabtree & Evelyn

 

依兩日公司有Crabtree & Evelyn做 promotion, 好開心同左D同事鼠左去睇下...

嘩, 有勁多人去左幫襯呀!!! 雖然唔係大部份既貨都有得賣, 但起碼佢地最賣得既hand cream同埋D禮盒set (有香水/爽身粉個D)都以超低價發售...

最難得係都有sample試用, 可以諗清諗楚同聞晒D味先買... 

本來無諗住買既我, 最後都忍唔到手, 買左好多野呀.....  

 

       

    *  HK$250三支(100ml), 我要左海洋同爽身粉味...

 

        

    * 依個 "With Relaxing Lavendar + Rosewood Essential Oil" 禮盒我買左

       三盒...  打開裡面有: Body Wash, Body Lotion, & Body Night Cream

      

 

      

    *  依 set 送俾亨利, 俾佢一個驚喜, hehehee.....

 

      

 

       

     *  Only HK$50 既消毒液!

 

        

     *  買滿一千大元送既閃閃士多啤梨長頸鏈...

 

Skin Food

 

雖然我好鍾意成用試新牌子, 但我都未買過 Skin Food 既護膚品或化妝品...

最近有同事個妹去韓國旅行, 難得佢又好人地問我有無野想買; 我梗係搭單買少少試下...

今次我差不多以香港三折既價錢買左一支 BB Cream 同我好需要用既 Eye Cream, 真係超抵...

試左一個星期, 發覺真係幾好用喎!!!

BB Cream 好貼好自然; 至於個 Eye Cream 仲有好香中藥味, 又有除眼紋既功效...

嘩, 如果下一站去韓國, 我一定會去掃貨... 買多D試下或者當手信都唔知幾好呀!!!

 

 

        

        

 

 

Riso @ 荃新天地

 

星期日無煮飯, 我同亨利去左荃灣行個round 順便食晚飯...

唔知點解間間野食@荃新天地都要等位, 難得Riso剛剛有張二人檯而又見個menu都ok咁, 所以就同亨利坐底試下...

依間野要自己去買野食; 跟住拿住個number 牌放係檯, 跟住伙計就會送野食黎啦...

我地叫左個二人套餐有: 五件方形蒜蓉包 + 兩杯自選特飲(芒果野) + 雞肉紅米飯 + 蕃茄香腸菇菇闊麵 +  四粒雪糕糯米糍

跟住我地每人再加多一個南瓜湯...

Overall 個紅米飯入味, 正! 不過如果個闊麵煮淋淋少少會更好...

食全部野埋單都只不過都係HK$111 (套餐only HK$99 + 兩個湯HK$12)~!

下一次值得再去呀!!

 

       

 

 

我的廚房

 

自結左婚之後, 除左亨利要返夜之外, 我差不多日日都有煮飯...

頭三個月, 我竟然日日可以煮唔同既餸作晚飯; 兩條友都有三樣餸食, 我都覺得自己好犀利! heheheee....

不過, 煲湯果方面, 我仲要勤力學習; 因為仲未知邊樣同邊樣煲埋一齊會對乜野好... 雖然好多人都認為煲湯係最易, 買晒野放入個煲就OK! 但我又唔知點解覺得好似好難咁...

為左要令亨利同自己變得肥肥白白, 我會繼續努力煮多D正餸同煲多D靚湯!!!

 

  

Remarks:  歡迎各好友黎試菜!!! 不過敬請提早預約, 謝謝!

 

 

澳門一天遊

 

難得有朋友送免費澳門船飛, 我同亨利去完蛇口兩day, 第二日就去左澳門一天遊啦...

好開心呀, 第一次去坐金光飛航頭等位; 個位勁舒服, 又有一張大枱, 仲要有野食, 成set 飛機餐咁, 野飲又任飲, 真係好正!

 

      

      

       

   *   頭等位每位乘客都有一份"船餐"...  果盒係一條長方型既 Pizza! 

 

 

其實今年年頭已經同亨利黎過澳門, 所以今次再黎都係當行下 hea 下食下野...

      

        

 

        

 

 

本來想去官也街食番我最鍾意既"山度士萄式餐廳"既白酒煮蜆, 但因為亨利話想試新野, 所以今次去左試 "露素餐廳"... 野食都 ok 啦, 不過我都係好掛住間山度士呀!

        

 

        

    *  (由左上至右下) 薯容菜湯, 萄汁煮蜆, 燒豬仔骨, 四色芝士螺絲粉 [共210蚊]

 

 

由於回程船都係在氹仔上船, 所以下晝食飽之後就去左四季同埋威尼斯人行街同食埋板前壽司先上船返香港...

       

    *  (右上) 下晝忽然落大雨, 但都無損好多人既心情去排隊買大利來既豬扒飽...

 

        

 

不過原來上到船, 又有野食架!  

        

 

雖然第一次去澳門即日來回, 但原來都唔係好辛苦, 而且仲幾 enjoy 喎!!!

 

 

復活節 @ 蛇口

 

難得復活節亨利唔駛返工, 我同亨利&我爸爸媽咪去左蛇口玩左兩日呀...

因為唔想係香港渡過假期, 所以黎蛇口hea下; 加上網友話依樹開左個超大既商場

--- 海岸城, 所以都想黎睇下...

 

       

    *  第一餐去左食"味牛"!  其實佢都係味千集團架, 但佢最特別既係有得韓燒!!!

 

       

    *  好靚既"海岸城", 好大又多野食... 本來想食buffet @ 大飽口福, 但超多人等呀...

 

       

    *  晚飯去左食"小肥羊"... 四個人都係食左唔駛二百蚊, 真係超平!

 

       

     * 依間叫"Papa John's", 好好味架!! Coco Park 都有一間架!!! (Our lunch)

 

       

    *  食飽Papa John's, 又去左KK Cafe飲野... Very nice!

 

 

和風沙律

 

首先祝大家有一個開開心心既復活節假期先!!! HAPPY EASTER!!!

以前細細個, 每年復活節媽咪都會買一套雞仔大朱古力蛋蛋連籃俾我同埋細佬... 尋日放工無意間俾我見到有間麵包舖有得賣喎... 嘩, 真係好開心呀!

不過我今次無買最大果隻, 只係買左最細既雞仔籃同一隻中蛋應下節!

 

      

 

 

今朝得閒, 所以整左一樣我都好耐無整既 --- 和風沙律(送俾亨利)呀!!!

今次買唔到靚既牛油果, 所以買左D綠色既豆苗代替...

材料仲有蝦, 蛋, 丸, 蟹柳, 獅子狗卷!  將全部野煮好攤凍後切絲, 再放入雪櫃雪下...

 

       

 

       

到想食既時候就加埋依支唔少得既和風沙律醬(buy @ Sogo)... 嘩, 正到呀!!!

 

 

得意BB

 

最近有幾個朋友都生左BB, 睇到佢地D相(由其左上同右上, 都係一個月人仔唔夠), 個個都好得意, 真係好想錫啖佢地呀!!!

另外仲有一個大少少既(中間果個扮緊波兒), 都係好鬼搞笑同可愛...

我同亨利都計劃兩年後先"努力做人", 因為家下想享受下二人世界先, 同埋儲定多D奶粉錢錢嘛... 但依排見到依D keep 住 update 既B相, 真係有少少衝動想生番一個呀!!!!! >.<

=> 不過, 或者唔知有無friend可以借佢地個B俾我玩番一兩日咁呢??? 俾我頂住D癮先, hahaaa....

 

       

P.S. 希望我既朋友&好友唔會介紹我copy左佢地寶貝既得意相啦...

 

 

讚岐烏冬

唔知點解五六年前既我已經愛上食烏冬...

今晚亨利要返工, 所以得我自己一個人食飯...

我就去左 Taste 買左包 "讚岐烏冬" 返屋企煮啦...

Umm.... 依隻烏冬都要煮頗耐先林, 而且個麵身都比較幼添...

因為我唔想落淘大鼓油煮, 所以煮好之後我先落"蕎麥"鼓油... Well, 竟然 match 到喎... 都幾味呀!



        

    

赤丸製麵所

 

假日無煮飯, 所以同亨利去左行街街同出去食...

好開心係 UNIQLO 買左幾件靚 tee... 快D 夏天啦, 咁我就可以著啦, heheee....

跟住, 我地去左"赤丸製麵所"食飯... 其實以前都去過好多次, 但唔知點解覺得今次特別好食...

首先, 我地整左杯忌簾溝北海道牛奶, 出奇地正喎!

仲有唔少得既"讚岐烏冬", 超彈牙呀...  真係唔知邊樹有得賣呢?? 我想有時唔煮飯食既時候, 都可以煮下依D咁好味既烏冬呀!!!

餃子, 吉列豬扒, 炸茄子同埋咖喱薯餅都係好好味呀!!!

最後埋單唔駛一百蚊, 真係勁抵...

相信我同亨利好快又會再去食... hohohoho....