我的結婚證書冊

終於收到我同亨利既結婚證書冊啦... 好鍾意呀!!!

因為之前見到有bloggers介紹, 覺得好靚... 所以我都去整番一個!

封面有我同亨利個名同結婚日期, 裡面左面可以放張8R相, 右面就可以放當日註冊既結婚證書冊啦...



       

 

滑雪手套

 

多謝亨利買左對好靚既滑雪手套俾我...

因為我地決定一月去北海道加東京honeymoon, 家下簡直未出發先興奮兼洗錢錢...

仲有我同亨利都比較怕凍, 所以要買定多D保暖野同雪褲呀...

 

     

     

 

 

新髮型照

 

今日終於有機會影張新髮型照啦...

下晝仲去左染髮加highlight, 由十二點搞到三點半, 真係坐到人都癲呀!!!

不過唔明點解張相影唔到D頭髮既顏色... 但其實我都唔係染得好淺色, 因為我唔想做過太YEAH既新娘呀!!!

 

          

 

      

 

傢俬送到啦...

等到頸都長, D傢俬終於送到新居啦...

因為我同亨利都要返工, 所以我細佬同媽咪一早幫我去收傢俬... 佢地仲幫我掃埋灰抹埋塵...  我同亨利一放工就即刻趕去睇下搞成點...

一開門, 我就大叫一聲 ""嘩!!!! 好靚呀!!!!!!"" 

全屋傢俬搞左差不多搞左四個鐘...  我細佬(幫手)攰到謝晒; 媽咪仲爬高爬底幫我抹野!!!  真係感動到想喊...  亨利仲興奮都多謝我阿媽既時候錫左佢塊面一啖呀!!!

家下又要等個懶到死既亨利執番佢D野入櫃, 然後等過左大禮我先一次過搬晒我既野去新屋...

哎呀, 好忙呀!!!!!!!!!!!



         

         * 亨利既野多到爆...

         

          * 未有傢俬的主人房...

          

           * 超鍾意既日式入牆大衣櫃 (@主人房)...

           

            * 書房 (亦係將來的BB房)

            

             * 書房又做左個超大入牆衣櫃, 櫃下可拉出黎做床訓覺架!!!

            

             * 簡簡單單既書枱同吊櫃

新髮型

 

為迎接即將來臨既大日子兼做一個靚靚新娘, 前日我走左去電髮…

點解電髮? 因為可以方便到時俾化妝(兼髮型)師 set 頭, 佢又唔駛浪費時間幫我用個電髮器卷D頭髮…  

上一次電髮, 已經係三年幾前既事…  今次係我拱大個女第二次電髮! Well, 我都唔知叫好睇定唔好睇…   

Anyway, 遲多兩個星期, 我會去染髮(整highlight), 希望到時會有個新形象出現啦!

 

       

      

 

 

我的婚紗

一踏入十月, 就開始覺得D時間唔係好夠用啦...

星期一至五又要返工, 放左工都好攰; 每個星期得番星期六日跟進結婚事宜咋!!!

不過, 好彩所有自己既衫都 confirm 晒; 家下就要開始搜羅飾物同頭飾啦... (雖然我租衫果到有包埋D襯飾; 不過我一定唔會用... 加上我個化妝師一樣飾物都無...)

  * 依條婚紗係我超鍾意架...  註冊既時候, 我就會著住佢啦...  靚唔靚呢???!!! 

           

          

第三份結婚禮物

我好開心, 開心到難以形容…  因為其中一位現處於日本留學的好朋友 Polly, 近日郵寄左一個份結婚禮物俾我…

當我一開份郵包見到份禮物, 眼淚當堂標晒出黎…  因為見到既時候真係好感動!!!

份禮物係 Polly 親手做的, 雖然看似簡單的剪剪貼貼; 但果種心思同心意, 我深深感受到呀!!!

最開心就係 Polly 同佢男朋友內田先生都寫左封信俾我…  好有意思哦!

P.S.  Again, thank you so much to Polly & 內田!


         

大圍新村有野食

 

好開心亨利無啦啦黎接我放工, 跟住又話帶我去食正野...

我地由美孚坐巴士去大圍新村落車, 我問極亨利又唔肯講去邊到食既情況下發現左新驚喜!

一個好似西貢咁既環境下的一間印尼餐廳 --- Shatin Inn Restaurant.

唔知係咪太早去食既關係(7pm), 成間野都無其他客人; 我地就好似包左間餐廳咁, 好鬼開心!

由於天氣無咁熱, 我地選左坐出面半露天(無冷氣既位)坐, 好舒服呀!

真係估唔到D野食都ok喎; 而且最得意就係個串燒係成個爐俾你自己燒燒下...

不過, 價錢就貴左少少... Anyway, 間唔中黎下都幾好呀!!!

 

     

     

      

     

     

      * 炒得幾好味既 - 印尼炒飯

     

      * 五串羊肉 + 五串牛肉

     

     

      * 炸肉卷好好味喎!

     

      * 用黎點串燒既沙爹醬

 

第二份結婚禮物

好開心又收到多一份結婚禮物啦, 而且依份禮物仲非常之 "實用"添...

之前一路都諗唔掂買乜野花車公仔, 今次終於決定左啦...

多謝 Ellen 同 Mosze, 特登同我去金都睇, 跟住順便俾埋錢買埋俾我,  真係太好啦...

依對鳳冠 Hello Kitty 係最新款, 而且仲係最得意架!

我都唔客氣要金都整埋個大蝴蝶係對公仔後面, 方便到時D兄弟綁係車頭...



       

生日禮物 - part II

 

我個闊佬細佬, 送左一份又貴重又特別既生日禮物俾我, 真係好鬼開心呀!!!

一收到依個圓形碎紙包, 就即刻急不及待用啦....   

P.S. Thank you Mike!

 

      

     

      

 

生日好快樂!!!

 

尋日係我既生日!!! 話咁快我又大一歲啦...

今年既生日對我黎講好重要, 因為 ----- 哈哈, 就係婚前(單身)既最後一個生日啦! 而且仲係 ----- 嘩, 我三十歲啦..... 正式告別二字頭呢!!! 呵呵呵!!!

尋晚真係好開心, 因為原本要返夜既亨利, 請左五個鐘頭假, 同我去食晚飯慶祝...

我放左工, 去左佐敦等亨利; (佢完全唔肯講去邊到食) 跟住佢帶我行左一段路　(near TST), 跟住上左一橦大廈, OHHH, 我即係話: 食私房菜???!!!

SURPRISE!!!!!!!!!!!!!! 好靚既(法國菜)私房菜餐廳呀!!!! 果一刻, 先感覺到原來亨利都識浪漫架喎, hehee...

坐底左一陣, 野食就續樣上; 原來亨利一早安排好晒!! 私房菜D人仲同我講:　Amy, 生日快樂!!! (Oh, 真係好開心呀)

真係估都估唔到亨利識搵到依到, 因為我從未聽過有人介紹或者黎過...  不過, 依個地方, 野食同 service, 我超級 recommend D 朋友如果想用黎追女仔 or 求婚 or 什麼紀念日, 可以考慮依樹哦!

 

          

          - 個南瓜湯好特別, 因為個番茄係超冰凍; 一啖凍一啖熱湯, 好好 feel 呀!

          - 仲有我最鍾意既鵝肝 (加埋紅酒jelly仔!) 正!

          - 個香草青口肥到以為食緊生蠔呀!!!

          

           - 紅酒汁羊鞍，田螺天使麵，蜜桃花茶，火焰雪山 (亨利即場唱生日歌)

          

          - 個傻佬竟然偷偷地拿我地個結婚logo去整左落頂帽到送俾我呀...　

             (我竟然開心到喊左出黎; 開心因為佢對我生日既 planning & 細心!)

          

    　   * 多謝亨利!!!