2008年9月30日 星期二

第一份結婚禮物



唔記得同大家分享下, 就係好早之前收到第一份既結婚禮物 --- 水晶天鵝!

好好好開心... 一對好靚既天鵝! (不過好貴呀!!!)

等新屋傢俬 ok 晒, 一定要搵一個靚靚櫃黎擺佢地...

Remarks: 多謝 Auntie Ronnie & Uncle Bruce

       


2008年9月27日 星期六

兄弟1st聚會



尋晚同亨利班兄弟食飯(同埋亨利個阿哥)...  亦算係第一次大家認識下見下面!

六個兄弟中, 有三個我一早認識... 所以感覺都比較熟絡...

可惜六個兄弟中, 尋晚有兩個黎唔到, 唯有下次再食飯見面啦...

亨利一早 book 左去重慶大廈食咖哩 --- 咖哩王 (E座7樓)!

不過超誇張囉!!!!! 我地 book 左 7:45 食, 但都要全人類等左一個鐘多D先有位囉!!!!!  係咪咁痴線呀!?! 真係好食到咁????? 好彩都有個房俾我地坐係到等...

九點鐘終於有位... 好彩等緊既時候俾我地睇 menu 同落埋 order, 所以D野食都好快就到!

我地叫左鐵板魚, 芝士球, 咖啡羊等等等 (不能盡錄同個個樣差唔多, 所以無影到)...

p.s. 不過不失既咖哩王! 不過如果下次又要再等咁耐位, 一定唔會再黎啦!



        


2008年9月26日 星期五

八王子拉麵店

 


今晚同亨利去左佐敦食飯... 因為要去永安買個吸麈機(小型叉電式果隻)!


跟住行去後面街, 見到有間骨骨子子既日本野; 行去看看, 原來係一間拉麵店.


但最得意係全店都只係一樣"送"!!! 跟住就有約十多款的湯底俾你選擇...


Well, 我地就走入去試下啦...


亨利叫左個"味噌湯底"既拉麵; 我就試左招牌"八王子拉麵", 即係牛骨湯底既!


Woooo... 亨利果個好好味呀!!! 跟住我個碗, 就好似淡左D, 或者可以叫清得濟!


仲有, 間野有個特色, 就係除左拉麵, 沾麵同野飲外; 就無其他野食架啦...


 


         


         


         


       * 有叉燒, 紫菜, 芽菜同溏心蛋...


         


      *  我依碗"八王子拉麵", 睇到個樣都知個湯好清啦... 不過有個特色, 就係佢地話


          加左海鹽喎!!!


         


      *  間拉麵店掛左好多依個畫家既畫...  真係好搞笑呀!!!!!


 


2008年9月24日 星期三

"最具夫妻相生活照"選舉

 


最近睇過一個 blog, 知道有個名為 "最具夫妻相生活照" 既選舉, 我梗係又玩下啦...


坦白講, 身邊真係有人同我講過亨利同我個樣都幾似... 不過, 玩依個遊戲, 相信都唔係真係鬥個樣似唔似...


Anyway, 我都想你地幫下手投個票! 等我可以贏番份禮物開心下...


           http://www.darizi.com/hk/events/couples_details.php?photo_id=78


 


        

    


 


 


2008年9月22日 星期一

奇妙姻典



由於亨利超唔鍾意伊甸園, 所以由此至終, 我地都諗住去紅棉道註冊.

可惜, 請埋假兼晨早起身(姊妹Elaine仲要七點返到公司幫手)鬥快上網登記; 我地最後都只係拿到8號籌...   紅棉道得一個房, 每十五分鐘就一 pair 註冊, 好既時間一定俾人揀晒; 所以我同亨利都打定輸數要可能搵番伊甸園...

不過, 真係天意既安排...  臨要去政府合署揀時間, 我同亨利都收到 GP Wedding 有個有關新既註冊地方 "奇妙姻典"; 而依個地方, 仲要係我地酒樓既樓上........

我同亨利拿拿臨去睇下個場...  嘩!!!!!! 好靚呀!!!!! 睇左唔夠十五分鐘, 亨利已經攞定張VISA俾$$$...

四個場之中, 最靚同最大都係 ---> 幸福小禮堂!  而我地梗係揀左依個場啦...

雖然好似貴左少少 (HK$2,399 用三十分鐘), 不過個場又新又大又設計成教堂, 我同亨利都好鍾意同好開心呢!!!  最重要都係慳左唔少交通時間, 同埋D家人&兄弟姊妹都唔駛拱辛苦.  今次真係兩全其美啦!!!

       


2008年9月17日 星期三

迎月夜 @ Ocean Park

 


咁大個女第一次去海洋公園過中秋上星期真係超期待同興奮呀!


多得公司下晝包左成個海洋公園, 我仲可以用員工價 HK$80一張成人票訂飛; 咁筍硬係即刻同屋企人去啦


好彩包左個場, 好多上晝既遊客 (同埋D自由神) 到六點就要離場…  因為我地所有員工同家屬入去玩, 都要帶住一條手帶作記認…  我地可以係下晝四點半至夜晚十一點, 係裡面暢通無阻架!!!


雖然上年我既生日先去完海洋公園, 依家拱快又再黎…  但今次好開心呀!!! 因為好似十幾廿年都無再同屋企人黎; 以前黎既時候, 我仲係得幾歲咋!!!  加上我係第一次夜晚黎海洋公園, 感覺真係好唔同呀!!!


 


        


         


        


        


        


        


 


 


2008年9月16日 星期二

新工大吉 - Part II

 


不經不覺, 份 temp job 話拱快又返左兩個月(上星期五 last day 啦)...


黑仔既我, 今次終於有番D曙光; 成功過左幾關, "in"到份長工(由 temp 轉 perm ) 俾自己啦...


真係好開心! 不過, 就要由灣仔改為返美孚(OH, 好遠呀!!!)...


不過唔緊要啦... 遲D嫁左去青衣, 返美孚就超近啦...


希望我會好快習慣新既工作環境同一樣都咁開心工作啦...


 


        


        


         * 多謝 Rita 送給我既禮物仔


 


2008年9月14日 星期日

新成員 - 表弟BB

 


最近親戚們加添了新成員, 就係舅父仔既仔仔 - 凱峰!


依個BB真係好靚仔, 但其實舅父仔同舅母都唔係話好靚, 今次又一證明原來負負係會得正架!!! wahahaa....


依個表弟仔, 唔知點解個樣咁似 Lucus 既 (謝霆峰個仔) , 真係好搞笑......


 


        


         * 得果12日人仔已經拱靚仔...真係好抵鍚呀!!!!!


        

 * @ 滿月日


         


   

 


     * 點解成個四哥咁既?


         


 


2008年9月12日 星期五

仲有100日咋!



距離我同亨利既大日子仲有 100 日, 心情開始緊張啦!!! 我地仲有D重要事項未搞呀, 你話點算好!!!



      




倒數一百day進度表 (Outstanding items):

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

婚禮日期:20081222 (星期一)

註冊地點:仲未 confirm 到... 上網登記註冊只拿到8號籌 (好唔開心); 要等到22號先知details...

婚禮攝影:仲未約 Tony Kelvin 傾影相事宜

小時候Video: 未搞 (但相已俾晒 Tony)

化妝師:Rebecca (未約試妝!!!)

絲花襟花:姊妹兄弟果D未訂

晚裝:仲未同未來奶奶去睇同埋試

婚紗晚裝鞋:未買

花車公仔:未諗掂乜野公仔

花車裝飾:未買

喜帖:仲未訂!!!!!!!!! (因為未 confirm 註冊地點)

車:詳情仲未知… 亨利有個兄弟又話可能架車到時唔得!

29座:  未book呀 

紅酒:仲未諗掂

其他用品:  茶具, 睡衣 etc etc 都未買呀!!

P.S.: 仲未安排兄弟 / 姊妹 / MC 第一次約會 (預計十月頭啦)



               ***** 特別鳴謝阿Jay幫我設計左依個我同亨利都超鍾意既logo呀!!!

                                                    Jay, 非常多謝妳呀!!! *****










2008年9月8日 星期一

廈門之旅 - 後記 + Lomo篇

 


本來一個很普通既旅行,最後竟然成為我地最難忘既旅行...  真係唔希望再有下一次... 坦白講,好彩係返大陸玩,如果係去遠D,好似日本又或者澳洲果類,咁delay法,我諗我會 "痴線"!!!

 

亦都好彩我地有買旅遊保險,最後會每人 compensate 番HK$1,500蚊 (因為 delay over 33 鐘),嘩,條氣當堂順晒!!!

 

此外,最近亨利迷上玩 lomo; 以下既相都係我鍾意既...

 

 

      

 

      

 

      

 

       

 

       

 

       

 

       

 

      

 

      

 

      

 

      

 

      

 

      

 

      

 

             

 

Finally, 廈門係一個舒服既城市,比較深圳同廣州乾淨! 我最開心就係依個地方既車係無超臭既氣油味... 唔似得深圳D車油臭到你嘔... 同埋天氣又唔悶熱,成日都好涼,正!  不過,講有咩野玩就無乜... 但悠悠閒閒去行下食下遊覽下, 廈門都係一個不錯既選擇!

 

 

2008年9月7日 星期日

廈門之旅 - 拱快又玩完啦!


 

本來四日三夜既旅程, 其實只係玩左二日一夜... 拱快又話要返香港, 真係有D唔夠喉呀!!!


 

一早起身係酒店游完水, 我地又去行街街啦...

 

無意中行去一間CD舖, 竟然俾我見到有彎彎出CD喎...  嘩, 當然即刻試聽下啦! 哦, 原來係佢精選既流行英文歌... (再加一隻動話VCD)  因為我好鍾意依個公仔, 所以都買左一隻呢!!(http://www.wretch.cc/blog/cwwany

 

 

       

 

        

 

       

 

 


跟住我地就去左食日本野, 不過唔係叫左好多野食, 至在坐下; 因為我地想一陣去廈門果間 babycat's Cafe 再食過...

 

 

        

 

       

 

       

 

       

 

 

我地仲發現左間書店,  仲買左好多書呀!!! 張小嫻同亦舒果D散文&小說都係廿幾蚊一本, 超平呀!

 

 

        

 

 

廈門市中心果間 babycat 雖然無小白屋果間咁靚, 裝修同一般 cafe 差唔多, 但佢都坐得好舒服, 而且我杯 Mochaccino 又靚又幾好味呀!

 

因為前一日訂左餡餅, 所以我地順便取埋... Woo, D包裝都幾靚喎!一盒兩層共八個, 你地睇下...