l 好後悔食回頭草
l 公司沒有什麼值得我再留戀
l 第一次感受到高度不被尊重, 感覺極為難受
l 今日才知道沒有什麼 “好來好去”
l 對公司所謂管理階層極度失望
l 咁大個女第一次終於忍唔住當所有同事面前同所謂既總幹事作出大罵戰
l 第一次嬲爆提早離開公司 (約下午四時半)
l 第一次深深感受人間險惡
l 今日認識到不可再用真心對待某些人
l 今日學懂不要再輕易相信人
l 要記住什麼事情也不可再單睇表面, 被人利用後既心情難以形容
今日係我工作以來最唔開心既一日; 雖然只係要返多4日工 (頂佢地唔順終於上個月辭左職), 對多4日果D又假又廢既老細(s); 為了段練EQ, 我唔會唔返工, 我會捱埋落去, 仲會對住佢地笑添! [真係多得依份工, 令我學識做個“假”人!]
亨利又為我倆準備左一個難忘既假期, 今次真係好開心… 雖然只係星期六日, 但唔知點解好似玩左好耐咁…
其實都係因為要 final confirm 個相簿排板, 所以亨利就爭取個短短既假期, 簡單plan左一D行程去relax一下!
1/ 創意文化園
依個真係一個好hea既地方. 當你入到去, 好自然都覺得自己好似文化多左少少咁… 除左有欣賞既展品外, 亦都有食同飲既地方.
* 依間係高文安開既 My Noodle.
2/ 國際青年旅舍 YHA
為左想有一個唔太趕既假期,亨利前幾日就係網上訂定住既地方, 可以stay一晚先返香港; 因為之前好驚喜地發現依到有間青年旅舍, 而亨利又係永久會員, 所以我地試下住啦. 好安心, 俾我想像中整潔同簡單; 我仲一路以為好似讀中學時去果 D camp site 環境咁, 訓鐵床個隻, 點不知原來咁 In 架. 雖然我地個房無電視, 但你可以去電視房 (同其他黎自世界各地既人一齊) 睇, 真正交流一下文化. 如果唔想睇電視, 你又可以俾2蚊人仔上網半個鐘, 真係抵到爆!
* 亨利在 check-in....
* 青年旅舍既外型... 我地住最高個層呀!!!
3/ 波托菲諾
自從上次無意間去左依個地方後, 依家就深深愛上左佢…
依個地方名真係好特別. 原來依一區係深圳最貴既豪宅區, 所以環境真係一流… 除此之外, 我地亦好掛住一間必食既店 --- 古羅馬意大利餐廳. 雖然今次老闆 Sandro 唔係到, 但我地都坐底休息下同叫左D野食做下午茶…
4/ 92ºC Coffee Club
因為亨利見雜誌介紹旅舍附近有一條光華食街, 所以我地去行下見識下…
又無意間, 去到條街既盡頭, 發現左 “華夏藝術中心”. 依到有戲院, 茶館等; 最重要就係發現一間好靚既西餐廳叫 92ºC Coffee Club!!! 藝術中心附近重有三間酒店, 商場同 Wall-Mart 呀!!!
