又去叉電

 

為了慶祝媽咪生日, 我同亨利為佢同爹地預備咗一個兩日一夜既旅程…

今次我同亨利充當領隊兼導遊, 而且仲包佢地食宿, 真係差唔多有五星級既服務架!!

雖然我同亨利九月頭先去完深圳蛇口玩, 但因為好relax, 所以今次就帶爹地媽咪黎啦!!

最開心既就係爹地媽咪都覺得個trip好好, 仲有成80分呀!!!

 

    

       * 真係好鍾意依張相呢!!!

      

      

      

       * 依間"超級牛扒"位於CoCo Park! 環境可以媲美五星級酒店!!  

                   

   

搬竇

 

"享受"咗兩年多既高尚上班生活, 一下子竟然話俾我知公司將要搬去荔枝角返工... 嘩! 真係攞你命三千!!!

荔技角 --- 依個地方係我個腦裡面, 只有好多工廠, 好多男人, 好雜, 好多車, 空氣好差, 夜晚好靜.... 相信依個地方依家都應該無大既改變.  講真, 絕對唔係歧視, 不過真係好唔鍾意! 我依家完全一D開心都無去迎接依個新 office!

唉, 依個已經係改變唔到既事實... 我都係好好係享受埋依兩個幾月既清新空氣同花草樹木, 再見啦 --- 數碼港.

 

                                                                                     

牛頭角食海鮮???

 

時間過得真係快, 阿Beth嫁咗去上海原來都有三個幾月啦; 今次難得回歸, 東尼就提議去一個大家都未去過既地方食海鮮 --- 牛頭角??!!??

東尼話之前同朋友食過好好好好食喎, 所以就帶我地黎試下!

大家約咗係牛頭角地鐵站等, 跟住步行五分鐘左右.  當我一去到, 先發現原來吓 --- 依條街 (宜安街)??!! 其實又可以叫觀塘Van仔總站, 因為有好多Van去西環/ 旺角 / 美孚/ 佐敦/ 荃灣/ 柴灣等, 非常方便; 差唔多每次行完apm, 我都會黎依到搭車返屋企!

雖然我地book咗位, 不過都要等; 嘩, 好誇張囉, 超多人企係門口到等位呀, 但隔離幾間就無人等…

終於有位, 我地“以為”佢真係主打海鮮, 就叫D佢個牆介紹既野食: 砵酒焗生蠔 (不過無得食, 老細話D蠔唔靚喎); 炒蜆 (又無喎); 咁就叫咗個例牌瀨尿蝦; 大蟶子, 炒蛇螰, 翠玉瓜, 菜同wasabi 炒牛仔肉…

唉! 究竟係個個人口味唔同呀? 係間野失水準呀? 定係我要求高呢? 野食真係好一般… 講真要食海鮮, 真係要離不開西貢或者我提議既長洲~~ 今次五個人食七百幾蚊, 真係唔抵食!! 選擇又少!!! 好失望呀!! 

睇黎下次都唔信D乜獎物獎啦, 信自己條脷好過啦!!!

 

          

          

           

           

          

 

              

     

    

   P.S. Well, 口味純屬個人意見, 可能你會覺得好好食架!! haaa....

 

環遊世界???

 

亨利之前放暑假, 本來計劃陪佢去下旅行; 但我又請唔到假, 而且八月又成日落雨, 所以…

今次好開心, 竟然可以係一日之間環遊世界!!!

剛過去既星期六日, 我同亨利去咗深圳同蛇口玩; 仲去咗一個我未去個既地方 --- 世界之窗!

 

    

    * 第一次去落馬洲過關.... 好方便同好舒服呀!!!

    

   

    

 

    

  

    

  

    

  

     

      

     

     

     

     

 

           

 

      

      * 依個有樚既手拖籃真係好好用! 如果香港既 H&M 同 Uniqlo 都有佢就好啦!!