今日同亨利行街, 亨利忽然有大發現 --- “粗口”毛巾???!!!
哈哈哈… 依個系列既名真係令人費解??!! 原來佢地係來自日本架…. 究竟“無撚”係日本既字典中係咩意思呢??? 因為依個名, 我同亨利真係笑咗好耐!!! 不過, 為咗感受佢力薦既 soft, 我買咗兩條面巾同一條吸水力強既抺頭布試下….
2007年8月26日 星期日
2007年8月21日 星期二
“砵砵”
真係好多謝發明相機果個人, 因為相片可以將我地既回憶永遠留住……
近排收拾舊相, 睇返自己細個, 真係好好笑; 更開心既係當中有一個“砵砵”陪住我地!!
“砵砵”係我改既花名; 佢出世一個月就由我媽咪take care, 砵砵媽咪Auntie Ronnie真係好大膽, 經人地介紹, 又唔識我地, 就將一個月既仔仔俾我地湊!! 哈哈, 其實係好好彩, 因為我媽咪係一個出名既 “湊仔婆”, Oops, sorry, 應該係湊仔專家至真!! 加上砵砵真係好得意, 細個時又乖又成日笑喎, 我地簡直錫到佢燶呀!!
時間過得好快, 佢真係大個仔(仲係越黎越肥), 依家14歲啦……當我知道佢地一家人今年十二月會係澳洲返黎香港兩個月, 真係好開心呀!!!! 因為我地好掛住佢地呀!!!!
回憶可愛砵砵的成長:
2007年8月18日 星期六
2007年8月10日 星期五
咳人
唔知做乜, 依幾排成日撞到D我最憎既野 --- 咳人.
相信每個讀過書既人都知道, 因為衛生同禮貌既原因, 當你要咳或者打噴嚏既時間, 必需要用手蓋口或者鼻; 但好可惜, 我發覺好多香港人(包括世裝友同OL)都唔識衛生同禮貌; 咁係咪代表佢地無品同無學識呢??? 總之一句講晒, 好失望!
或者我真係好黑仔, 甚至可能前世欠咗佢地, 所以我成日被D咳人纏身… 好似返工坐小巴, 去街坐巴士, 去餐廳食飯, D咳人梗有一個係咗近!!! 聽到佢地D咳聲真係好討厭同要即刻閉氣, 如果唔係就被傳染!!
其實都唔關我執唔執著同有無潔癖既問題, 而係好多人都係越黎越自私同污髒!!!!!
前排去時代UA睇戲, 嘩, 真係黑仔到爆!! 諗住阻離係個女人而唔係個佬就可以安心睇戲; 點知佢就係到咳, 仲要有啖果隻, 佢果隻手仲好似斷咗咁, 唔識蓋口; 咳到唔停, 仲係咁係到食花生同飲支裝可樂, 真係唔死都無用!!! 你話呀, 因為睇場戲, 而俾人傳染疾病, 就唔抵啦!!!
大陸就話D人公民教育水平底啫, 點知香港都有依D人, 真係影衰晒!!!!
P.S. 香港人, 有時間就煲番D湯水止下咳, 潤下喉啦……
推介一: 滋潤清熱兼降火蘋果雪梨湯
推介二: 治喉乾聲沙西洋菜煲羅漢果
推介三: 清熱止咳非洲海底椰
推介四: 滋養潤肺無花果煲瘦肉
2007年8月5日 星期日
“舞”晒脂肪
今日好開心同媽咪&亨利去睇跳舞比賽!! 我想應該都係第一次…
當中分十二歲以下, 十二至二十一歲, 及成年組別比賽; 而最好睇當然就係小朋友組啦!! 講真, 學跳舞同學琴學游水一樣, 都要不斷練習同努力先可以有好既表現.... 好似依班小朋友, 佢地既表現真係好值得欣賞; 因為佢地跳得好叻, 好靚; 最難得就係咁好記性去記咁多既舞步!! 真係要俾十個叻佢地!! 睇睇下, 真係好想去學; 其實以前讀書都學咗兩年, 連試都考埋. 相信我只要加多少少努力, 都可以跳得好靚, 因為有D步法依家仲記得架!! 不過, 我最想既都係用黎 keep fit, 真正“舞”晒 (*肚腩) D脂肪呀!!! 重拾廿歲時的S身型, 嘻嘻… 
* 相中左下個肥仔好Q架, 最後佢個組仲得到 Cha Cha Cha第五名 (total 12 pairs)
*你睇下佢地幾靚!!!! 兩個女仔條裙我都好鍾意呀!!! 
訂閱：
文章 (Atom)